Handbolti

Þórir Ólafsson tekur við Selfyssingum

Hjörtur Leó Guðjónsson skrifar
Þórir Ólafsson stýrir Selfissingum í Olís-deild karla.
Þórir Ólafsson stýrir Selfissingum í Olís-deild karla. UMF Selfoss

Handknattleiksdeild Selfoss hefur samið við Þóri Ólafsson um að stýra karlaliði félagsins á komandi tímabili í Olís-deild karla.

Selfyssingar sendu frá sér tilkynningu snemma í morgun þar sem frá þessu er greint, en eins og sagt var frá hér á Vísi fyrr í vikunni er Halldór Jóhann Sigfússon að hætta með liðið.

Þórir er Selfyssingur í húð og hár og hlaut sitt handboltalega uppeldi á Selfossi eins og kemur fram í tilkynningunn. Á ferli sínum sem handboltamaður lék hann einnig með Haukum, Lübbecke í Þýskalandi og stórliði Kielce í Póllandi. Þá á Þórir einnig að baki 112 leiki fyrir íslenska landsliðið.

Þórir kom aftur inn í starfið á Selfossi árið 2015 og hefur síðan þá sinnt hinum ýmsu hlutverkum. Hann hefur verið leikmaður, aðstoðarþjálfari næði hjá meistaraflokki karla og kvenna og þjálfari í yngri flokkum og U-liðum.

„Þórir býr yfir mikilli reynslu sem mun klárlega nýtast, en hann hefur unnið með mörgum frábærum þjálfurum í gegnum tíðina,“ segir í tilkynningu Selfyssinga.

Þá kemur einnig fram í tilkynningunni að Halldór Jóhann hafi fengið spennandi ækifæri í þjálfun í Danmörku og að deildin fagni því þegar leikmenn og þjálfarar þess fái tækifæri á alþjóðavettvangi.




Fleiri fréttir

Sjá meira


×