Erlent

Hand­tökur í fimm löndum í tengslum við stóran mansals­hring

Vésteinn Örn Pétursson skrifar
Fólk var handtekið í fimm löndum í tengslum við málið, meðal annars í Þýskalandi. Myndin tengist fréttinni ekki beint.
Fólk var handtekið í fimm löndum í tengslum við málið, meðal annars í Þýskalandi. Myndin tengist fréttinni ekki beint. Sean Gallup/Getty

Á annað hundrað manns hafa verið handtekin grunuð um aðild að stórtæku mansali til Bretlands.

Breska ríkisútvarpið greinir frá því að um 130 manns hafi verið handtekin í minnst fimm Evrópulöndum í tengslum við málið. Talið er að mansalshringurinn hafi snúist um það að smygla flóttafólki frá meginlandi Evrópu yfir Ermarsund og til Bretlandseyja.

Fórnarlömb mansalsins eru talin vera um 10.000 talsins. Þeim á að hafa verið smyglað yfir Ermarsund á tólf til átján mánaða tímabili.

Átján voru handtekin í Þýskalandi, en borgin Osnabrück í Þýskalandi var á meðal þeirra borga sem lögregla þar í landi einbeitti sér hvað mest að. Fólk var einnig handtekið í Bretlandi, Frakklandi, Belgíu og Hollandi.

Talið er að aðgerðin sé ein stærsta alþjóðlega lögregluaðgerð gegn mansali í sögunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.