Matur

ÓX fékk Michelin-stjörnu og DILL hélt sinni

Árni Sæberg skrifar
Þráinn Freyr er stofnandi og einn eigenda ÓX.
Þráinn Freyr er stofnandi og einn eigenda ÓX. Aðsend

Tilkynnt var um það rétt í þessu að veitingastaðurinn ÓX á Laugavegi í Reykjavík hefði hlotið hina eftirsóttu Michelin-stjörnu. Veitingastaðurinn DILL hélt sinni stjörnu.

Rúnar Pierre Heriveaux yfirkokkur og Þráinn Freyr Vigfússon stofnandi og einn eigenda ÓX tóku við viðurkenningunni fyrir hönd veitingastaðarins á hátíðlegri athöfn í Stafangri í Noregi rétt í þessu. Nú hafa allir staðirnir sem bætast í flóru Michelin-stjörnustaða á Norðurlöndunum með eina stjörnu.

Vísir greindi frá því í morgun að Þráinn Freyr hefði farið ásamt fylgdarliði til Stafangurs. Þar er einnig Gunnar Karl Gíslason, stofnandi og einn eigenda Dill, sem hélt stjörnunni sem staðnum var veitt fyrir tveimur árum.

Þráinn Freyr sagðist á athöfninni í dag vera stoltur að feta í fótspor Gunnars Karls, eða Gunna Kalla eins og Þráinn kallar hann. 

Í fréttinni hér að neðan má sjá upptöku af athöfninni.

Dill hlaut einnig græna stjörnu sem er viðurkenning fyrir þá veitingastaði sem taldir eru skara fram úr í sjálbærri matargerð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.