Körfubolti

Zion framlengir við New Orleans Pelicans og ætti að eiga fyrir salti í grautinn

Árni Jóhannsson skrifar
Það er auðvelt að vera með 60 prósent skotnýtingu þegar maður kemst svona nálægt hringnum. Zion er með mikinn sprengikraft og vonandi fáum við að sjá nóg af tilþrifum á næstu árum frá honum.
Það er auðvelt að vera með 60 prósent skotnýtingu þegar maður kemst svona nálægt hringnum. Zion er með mikinn sprengikraft og vonandi fáum við að sjá nóg af tilþrifum á næstu árum frá honum. AP Photo/Rich Pedroncelli

Við höfum ekki fengið að njóta hæfileika Zion Williamson eins mikið og við vildum á fyrstu árum NBA ferils hans. New Orleans Pelicans hafa þrátt fyrir meiðslasögu kappans trú á því að hann geti leitt félagið til nýrra hæða og hafa opnað veskið upp á gátt fyrir hann.

Zion Williamson hefur einungis náð að spila 85 leiki frá árinu 2019 þegar hann var valinn fyrstur í nýliðavalinu. Meiðsli hafa sett strik í reikninginn hjá honum en Zion missti af öllu síðasta tímabili eftir að hafa þurft á aðgerð að halda vegna fótbrots. 

Pelicans, eins og áður, hafa mikla trú á kappanum því nú hafa þeir framlengt samningi sínum við hann og ætla að borga honum hæstu mögulega upphæð fyrir. Samningurinn gildir út tímabilið 2027-28 og fær hann 193 milljónir dollara í vasann og mögulega 231 milljón dollara. Það gera á bilinu á bilinu 25 til 30 milljarðar króna dreift á þetta fimm ára tímabil. 

Í þeim leikjum sem Zion hefur þó spilað hefur hann skilað 25,7 stigum að meðaltali í leik ásamt sjö fráköstum og rúmum þremur stoðsendingum. Hann hefur hitt úr 60 prósent skota sinna í þessum leikjum og það er því ekkert skrýtið að bundnar séu vonir við leikmanninn.

Varaforseti körfuknattleiksmála hjá Pelicans, David Griffin, sagði að ákvörðunin um að greiða Zion Williamson fyrir að spila með liðinu vera mjög auðvelda ákvörðun. Ásamt því sagði hann að Zion ætti að vera sögulega góður leikmaður á báðum endum vallarins.


NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði.

NBA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.