Erlent

Boða til verk­falls vegna á­burðar- og elds­neytis­skorts

Bjarki Sigurðsson skrifar
Lögregla hindrar vörubílstjóra frá því að keyra í átt að miðbæ Buenos Aires, höfuðborgar Argentínu, þar sem þeir ætluðu að mótamæla.
Lögregla hindrar vörubílstjóra frá því að keyra í átt að miðbæ Buenos Aires, höfuðborgar Argentínu, þar sem þeir ætluðu að mótamæla. AP/Victor R. Caivano

Stærstu landbúnaðarfyrirtæki Argentínu hafa boðað til verkfalls vegna viðvarandi skorts á bæði áburði og eldsneytis. Vörubílstjórar hafa mótmælt háu eldsneytisverði undanfarna daga.

Þann 13. júlí næstkomandi stefna stærstu landbúnaðarfyrirtæki Argentínu á að fara í verkfall vegna aðgerðarleysis stjórnvalda í landinu. Landbúnaður er stór hluti af hagkerfi landsins og er Argentína stærsti útflutningsaðili sojaolíu og mjöls.

Alberto Fernandez, forseti Argentínu, hefur reynt að bæta úr eldsneytisskortinum en það hefur gengið illa. Aðgengi er lítið og verðið hátt.

Í dag lokuðu vörubílstjórar einum stærsta veg landsins en um áttatíu prósent af öllum landbúnaðarafurðaflutningum landsins notast við veginn. Búið er að tilkynna að verkfallið sem hefst eftir tvær vikur muni ekki hafa áhrif á venjulega bílstjóra líkt og þá sem ætluðu sér að keyra lokuðu vegina í dag.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×