Tveir ungir menn handteknir vegna innbrots í lyfjaverslun

Hólmfríður Gísladóttir skrifar 27. júní 2022 06:21

Lögregla sinnti einnig útköllum vegna innbrots á heimili og eignaspjalla í Hlíðahverfi. Vísir/Vilhelm

Tveir ungir menn voru handteknir í nótt, grunaðir um innbrot í lyfjaverslun í Garðabæ. Tilkynning um innbrotið barst um klukkan 3.15 en þá sáust mennirnir hlaupa af vettvangi og fara á brott í bifreið.

Lögregla stöðvaði bifreiðina skömmu seinna og voru mennirnir vistaðir í fangageymslu vegna rannsóknar málsins.

Fyrr um nóttina barst lögreglunni á höfuðborgarsvæðinu önnur tilkynning um innbrot og þjófnað í veitingasölu í miðborginni. Maður í annarlegu ástandi var handtekinn stuttu síðar, grunaður um innbrotið, og reynist hann hafa stolnar vörur á sér.

Maðurinn var skorinn á höndum og fluttur á Landspítala.

Lögreglu barst einnig tilkynning um umferðaróhapp þar sem vélhjóli var ekið á móti umferð og á bifreið. Ökumaður vélhjólsins, sem reyndist 15 ára drengur og ekki með gild ökuréttindi, reyndi strax eftir óhappið að segja hjólið aftur í gang og er talinn hafa ætlað að yfirgefa vettvang en náði því ekki.

Forráðamaður drengsins var „skráður í málið“, eins og segir í dagbók lögreglu, og verður tilkynning send til barnaverndar.

Lögreglumál Garðabær

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.