Innlent

Tveir fluttir á slysa­deild eftir að bygginga­verka­mönnum sinnaðist

Árni Sæberg skrifar
Þessir byggingaverkamenn tengjast fréttinni ekki með beinum hætti.
Þessir byggingaverkamenn tengjast fréttinni ekki með beinum hætti. Vísir/Vilhelm

Tveimur byggingaverkamönnum úr hópi sem var við vinnu við hús á Seltjarnarnesi sinnaðist á ellefta tímanum í morgun með þeim afleiðingum að tveir voru fluttir á sjúkrahús og einn handtekinn.

Mikill viðbúnaður var á Seltjarnarnesi í morgun eftir að tilkynnt var um líkamsárás. Upp hafði komið ágreiningur milli tveggja manna sem unnu á byggingarsvæði í bænum. 

Jóhann Karl Þórisson, aðstoðaryfirlögregluþjónn hjá lögreglunni á höfuðborgarsvæðinu, staðfestir þetta í samtali við Vísi. Hann segir að bareflum hafi verið beitt og að vinnufélagar mannanna hafi á endanum náð að skerast í leikinn.

Þó fór svo að tveir voru fluttir á sjúkrahús til aðhlynningar og einn handtekinn. Að sögn Jóhanns Karls er ekkert vitað um líðan þeirra slösuðu að svo stöddu en þeir voru þó með meðvitund þegar lögreglumann sáu á eftir þeim inn í sjúkrabíl.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×