Lífið

Gerður í Blush selur glæsivilluna í Kópavogi og flytur í Hveragerði

Ása Ninna Pétursdóttir skrifar
Gerður segir það muni vera erfitt að kveðja einbýlishúsið í Kópavogi en foreldrar hennar byggðu húsið árið 2008. 
Gerður segir það muni vera erfitt að kveðja einbýlishúsið í Kópavogi en foreldrar hennar byggðu húsið árið 2008.  Samsett mynd

„Við erum að byrja að byggja draumhúsið okkar í Hveragerði og við hlökkum mikið til að flytja,“ segir Gerður Huld Arinbjarnardóttir í samtali við Vísi. 

Ljúfsárt að kveðja húsið

Gerður, eigandi kynlífstækjaverslunarinnar Blush, og kærastinn hennar Jakob Fannar Hansen hafa sett glæsilegt einbýlishús sitt í Kópavogi á sölu. Gerður segir það muni vera erfitt að kveðja húsið. 

Þetta er hús sem að mamma mín og pabbi byggðu og mér þykir ofsalega vænt um það. Þetta er dásamleg staðsetning við golfvöllinn og algjör náttúruparadís.

Aftur á heimaslóðir

Jakob, kærasti Gerðar, er fæddur og uppalinn í Hveragerði og segir Gerður stefnuna alltaf hafi verið að flytja þangað aftur. 

„Við eigum fjölskyldu og vini þar og við hlökkum mikið til að vera nær þeim. Jakob bjó allt sitt líf þar og flutti bara í bæinn þegar við byrjuðum að búa saman.“

Parið gafst upp á því að leita eftir eign á sölu í Hveragerði og ákváðu því að kaupa lóð og byggja draumahúsið.

Einbýlishúsið, sem er staðsett í Þrymsölum í Kópavogi, er tveggja hæða og skráð 404,3 fermetrar. Eigninni hefur verið skipt upp í tvær íbúðir og telur samtals sex svefnherbergi og fjögur baðherbergi. 

Óskað er eftir tilboði í eignina en fasteignamatið er 161.6 miljónir króna. 

Nánari upplýsingar er hægt að finna á fasteignavef Vísis. 

Marmari er áberandi í baðherberginu sem er sérstaklega glæsilegt. 
Kósý heimaskrifstofa með útsýni. 
Mikil lofthæð er á eftir hæð hússins og gluggarnir í stofunni gólfsíðir. 
Borstofan er rúmgóð og smekkleg. 

Hjónasvítan er sérstaklega glæsileg með sér baðherbergi.

Baðherbergið séð frá hjónasvítunni. 
Eldhúsið er rúmgott með góðu skápaplássi og parketi á gólfi. 
Gott skápapláss er í þvottaherberginu sem er rúmgott og bjart. 


Tengdar fréttir

Var nálægt gjaldþroti en gafst ekki upp

„Ég er ótrúlega mikið ég sjálf og ég er búin að læra að meta það hvað það er ótrúlega dýrmætt,“ segir Gerður Arinbjarnar, frumkvöðull og eigandi kynlífstækjaverslunarinnar Blush.






Fleiri fréttir

Sjá meira


×