Edda Andrésdóttir segir fréttir klukkan 18:30.Stöð 2
Formlegar meirihlutaviðræður eru hafnar í Reykjavík milli Samfylkingarinnar, Framsóknarflokks, Pírata og Viðreisnar. Flokkarnir hafa viku til að ná saman um stór mál og ákveða hver næsti borgarstjóri verður. Píratar útiloka ekki að gera tilkall til embættisins.
Farið verður nánar yfir málið í kvöldfréttum Stöðvar 2. Þá kíkjum við á síðasta fund fráfarandi borgarstjórnar og heyrum í borgarfulltrúum sem kveðja nú ráðhúsið.
Félagsmálaráðherra skoðar nú hvort einhverjir úr stórum hópi sem á að vísa úr landi geti fengið atvinnuleyfi fremur en að fara í gegnum verndarkerfið. Við fjöllum nánar um málið og ræðum við lögfræðing flóttafólksins.
Einnig verður farið yfir útbreiðslu apabólunnar auk þess sem við kynnum okkur ferðasumarið fram undan og hittum hóp kvenna sem fer nokkrum sinnum í viku í sjósund við Stykkishólm.
Þetta og margt fleira á samtengdum rásum Bylgjunnar og Stöðvar 2 klukkan 18:30.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
