Handbolti

Viktor Gísli stóð vaktina er GOG fór á toppinn

Runólfur Trausti Þórhallsson skrifar
Viktor Gísli átti fínan leik í kvöld.
Viktor Gísli átti fínan leik í kvöld. EPA-EFE/Anne-Christine Poujoulat

Landsliðsmarkvörðurinn Viktor Gísli Hallgrímsson átti fínan leik er GOG vann fjögurra marka sigur á Ribe-Esbjerg í dönsku úrvalsdeildinni í handbolta, lokatölur 33-29.

GOG þurfti sigur til að komast á toppinn en Ribe-Esbjerg hafði tapað öllum sínum leikjum síðan deildinni var skipt upp og farið var í umspil. Það var því ljóst að pressan var á GOG fyrir leik.

Leikmenn liðsins stóðust hana með sóma og leiddu með þremur mörkum í hálfleik, staðan þá 17-14. Munurinn var áfram í kringum það bil og þegar flautað var til leiksloka var fjögurra marka sigur GOG staðreynd, 33-29.

Viktor Gísli stóð sig með prýði í marki liðsins og varði alls 11 skot, var hann með 34 prósent hlutfallsmarkvörslu.

GOG er á topp riðils 1 með 10 stig að loknum fimm leikjum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.