Bjarni Kristinn ráðinn áhættustjóri Lífsverks

Kolbeinn Tumi Daðason skrifar 9. maí 2022 17:15

Bjarni Kristinn Torfason menntaði sig í Bandaríkjunum hvar hann bjó um árabil.

Bjarni Kristinn Torfason hefur verið ráðinn áhættustjóri Lífsverks. Þetta kemur fram í tilkynningu frá Lífsverk.

Bjarni hefur fjölbreytta reynslu úr fjármálageiranum. Síðustu þrjú ár hefur hann starfað í Áhættustýringu Íslandsbanka sem sérfræðingur í markaðsáhættu.

Áður vann hann í sex ár í greiningardeild Deutsche Bank í New York við greiningu skuldabréfavafninga og vann í afleiðudeild Markaðsviðskipta Íslandsbanka og Glitnis á árunum 2004-2006. Þá tók Bjarni þátt í vinnu rannsóknarnefndar Alþingis um bankahrunið.

Bjarni er með doktorsgráðu í fjármálum og hagfræði frá Columbia Business School í New York og B.S. gráður í stærðfræði og iðnaðarverkfræði frá Háskóla Íslands. Þá hefur hann lokið prófi í verðbréfaviðskiptum.

„Ég hlakka til að hefja störf hjá Lífsverki og takast á við spennandi verkefni sem áhættustjóri, meðvitaður um það ábyrgðarhlutverk sem sjóðurinn gegnir.“

Bjarni mun hefja störf í júní. Við bjóðum hann velkominn til starfa.

Vistaskipti Lífeyrissjóðir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.