Handbolti

Gísli Þor­geir hetja Mag­deburg í naumum sigri | Alls níu ís­lensk mörk

Runólfur Trausti Þórhallsson skrifar
Gísli Þorgeir í leik dagsins.
Gísli Þorgeir í leik dagsins. Twitter@liquimoly_hbl

Gísli Þorgeir Kristjánsson og Ómar Ingi Magnússon spiluðu svo sannarlega sinn þátt í eins marks sigri Magdeburgar á Füchse Berlín í þýsku úrvalsdeildinni í handbolta í dag, lokatölur 28-27.

Leikurinn var hnífjafn frá upphafi til enda. Gestirnir frá Berlín náðu mest tveggja marka forystu í fyrri hálfleik en þegar flautað var til hálfleiks var jafnt á öllum tölum, staðan 14-14.

Í síðari hálfleik voru það aftur gestirnir sem tóku frumkvæðið og mest náðu þeir fjögurra marka forystu en heimamenn neituðu að gefast upp. Staðan var jöfn 27-27 undir lok leiks þegar Gísli Þorgeir steig upp og skoraði sigurmark leiksins, lokatölur 28-27 Magdeburg í vil.

Gísli Þorgeir skoraði fimm mörk í leiknum ásamt því að gefa eina stoðsendingu. Ómar Ingi kom þar á eftir með fjögur mörk en hann gaf einnig sjö stoðsendingar í leiknum.

Magdeburg stefnir hraðbyr á Þýskalandsmeistaratitilinn en liðið er með 50 stig eftir 27 leiki, sex stigum meira en Kiel sem er í 2. sæti deildarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.