Gert að greiða konu 3,5 milljónir vegna slyss í Sundhöll Reykjavíkur Eiður Þór Árnason skrifar 27. apríl 2022 15:21 Slysið átti sér stað á útisvæði Sundhallar Reykjavíkur. Reykjavíkur Reykjavíkurborg hefur verið dæmd til að greiða konu 3.529.622 krónur í skaðabætur auk vaxta vegna líkamstjóns sem hún varð fyrir þegar hún féll á sundlaugarbakka í Sundhöll Reykjavíkur. Konan rann til á mottu sem hafði verið komið fyrir á bakkanum við útilaug Sundhallarinnar þann 6. desember 2018 að kvöldlagi þegar hún var á gangi frá kvennaklefa Sundhallarinnar í átt að heitum potti sem er á útisvæði samsíða útilauginni. Þegar konan gekk eftir blárri mottu sem komið hafði verið fyrir á gönguleið hennar milli vaðlaugar og sundlaugarinnar skrikaði henni fótur og hún féll. Fram kom í skýrslu heilbrigðiseftirlits Reykjavíkur frá 5. september 2019 að tilkynnt hafi verið um fjórtán hálkuslys á tímabilinu mars 2018 til október 2019 í kjölfar þess að útisundlaug Sundhallarinnar var tekin í notkun. Konan slasaðist á miðju tímabilinu sem slysahrinan stóð yfir. Fram kom í skýrslunni að starfsmenn Sundhallarinnar hefðu greint frá því að þeir hefðu sett bláar plastmottur á gönguleiðir til að sporna við slysum en þess getið að ekki væri hægt að hafa þessar mottur uppi að vetri til þar sem þær yrðu hálar í frosti. Þar sem snjóbræðslukerfi næði ekki að hita upp undir motturnar væri einungis unnt að nota þær á sumrin og sett væri salt á gönguleiðir á veturna. Af hálfu heilbrigðiseftirlitsins voru gerðar kröfur um varanlegar ráðstafanir til að koma í veg fyrir hálku á sundlaugarbökkum og mun það hafa leitt til þess að á yfirborð sundlaugabakkanna var borið efni til að gera þá stamari. Tryggingafélagið vildi ekki una úrskurði nefndarinnar Í nóvember 2020 úrskurðaði úrskurðarnefnd í vátryggingarmálum að konan ætti rétt á bótum úr ábyrgðartryggingu Reykjavíkurborgar hjá VÍS. Álit sitt byggði nefndin á því að nægjanlega væri sýnt fram á með gögnum málsins að aðstæður hefðu ekki verið nægjanlega öruggar fyrir gangandi vegfarendur á þeim stað þar sem konan féll. Annars hefði ekki þurft að gera frekari ráðstafanir á árinu eftir slys stefnanda og ekki hefðu þá verið gerðar athugasemdir í skýrslu heilbrigðiseftirlitsins. Í kjölfarið krafði konan VÍS um bætur fyrir hönd Reykjavíkurborgar í nóvember 2020 en VÍS tilkynnti henni að ekki væri unað við niðurstöðu úrskurðarnefndarinnar. Taldi VÍS að skilyrði skaðabótaskyldu væru ekki uppfyllt þar sem aðstæður á slysstað hefðu uppfyllt öll skilyrði starfsleyfis um hálkuvarnir og öryggismerkingar. Sundhöll Reykjavíkur var tekin í notkun árið 1937. Guðjón Samúelsson arkitekt teiknaði tæplega 2.700 fermetra húsið. Reykjavík Ekki fallist á að að konan hafi átt hlut í því að slysið átti sér stað Þann 20. maí 2021 fékk konan leyfi til gjafsóknar og höfðaði málið gegn Reykjavíkurborg og VÍS 8. júní 2021. Niðurstaða mats lögfræðings og bæklunarlæknis á afleiðingum slyssins var sú að tímabundin óvinnufærni konunnar hefði staðið frá 6. desember 2018 til 21. janúar 2019. Þá ætti konan rétt á þjáningarbótum vegna sama tímabils, varanlegur miski næmi tíu stigum og varanleg örorka væri 5%. Sjálf segir konan að fall hennar megi rekja til þess að hún hafi dottið á hálu yfirborði sundlaugarmottunnar. Þó liggur fyrir að ekki var um hálku vegna ísingar að ræða þar sem hitastig var vel yfir frostmarki á umræddum degi. Starfsmaður borgarinnar sem fyllti út slysaskýrslu Sundhallarinnar notaði einnig orðið hálka til að lýsa aðstæðum á staðnum þar sem slysið átti sér stað. Héraðsdómur féllst ekki á að sú hálka og „sleipa“ sem varð konunni að falli hafi verið eðlileg þannig að fall hennar verði talið hafa átt sér stað vegna óhappatilviljunar. Dómurinn sagði ekkert hafa komið fram í málinu sem skjóti stoðum undir þann málatilbúnað Reykjavíkurborgar að konan hafi á einhvern hátt gengið óvarlega fram eða átt hlut að því á annan hátt að slys hennar átti sér stað. Var því fallist á skaðabótaskyldu Reykjavíkurborgar. Reykjavík Dómsmál Sundlaugar Slysavarnir Tryggingar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Viðtal á Stöð 2 kveikir upp í færeyskum stjórnmálum Erlent Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Ætlar alla leið í baráttu fyrir nafninu sínu Innlent Svona voru kappræður sex efstu í baráttunni um Bessastaði Innlent Fara fram á farbann Innlent Skipið leggur úr höfn Innlent Baldur vinsælasta plan B Innlent Fleiri fréttir Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Gríðarleg fjölgun á dvalarleyfum til Víetnama á grundvelli sérfræðiþekkingar „Nú á dögunum tók sonur minn líf sitt innan veggja fangelsisins“ Baldur vinsælasta plan B Bein útsending: MenntaStefnumót í Reykjavík Treysta sér til þess að vernda þjóðkirkjuna Magnús Geir vill fimm ár í viðbót í Þjóðleikhúsinu Telur ekki óeðlilegt að sýna mótmælendum samstöðu Sjá meira
Konan rann til á mottu sem hafði verið komið fyrir á bakkanum við útilaug Sundhallarinnar þann 6. desember 2018 að kvöldlagi þegar hún var á gangi frá kvennaklefa Sundhallarinnar í átt að heitum potti sem er á útisvæði samsíða útilauginni. Þegar konan gekk eftir blárri mottu sem komið hafði verið fyrir á gönguleið hennar milli vaðlaugar og sundlaugarinnar skrikaði henni fótur og hún féll. Fram kom í skýrslu heilbrigðiseftirlits Reykjavíkur frá 5. september 2019 að tilkynnt hafi verið um fjórtán hálkuslys á tímabilinu mars 2018 til október 2019 í kjölfar þess að útisundlaug Sundhallarinnar var tekin í notkun. Konan slasaðist á miðju tímabilinu sem slysahrinan stóð yfir. Fram kom í skýrslunni að starfsmenn Sundhallarinnar hefðu greint frá því að þeir hefðu sett bláar plastmottur á gönguleiðir til að sporna við slysum en þess getið að ekki væri hægt að hafa þessar mottur uppi að vetri til þar sem þær yrðu hálar í frosti. Þar sem snjóbræðslukerfi næði ekki að hita upp undir motturnar væri einungis unnt að nota þær á sumrin og sett væri salt á gönguleiðir á veturna. Af hálfu heilbrigðiseftirlitsins voru gerðar kröfur um varanlegar ráðstafanir til að koma í veg fyrir hálku á sundlaugarbökkum og mun það hafa leitt til þess að á yfirborð sundlaugabakkanna var borið efni til að gera þá stamari. Tryggingafélagið vildi ekki una úrskurði nefndarinnar Í nóvember 2020 úrskurðaði úrskurðarnefnd í vátryggingarmálum að konan ætti rétt á bótum úr ábyrgðartryggingu Reykjavíkurborgar hjá VÍS. Álit sitt byggði nefndin á því að nægjanlega væri sýnt fram á með gögnum málsins að aðstæður hefðu ekki verið nægjanlega öruggar fyrir gangandi vegfarendur á þeim stað þar sem konan féll. Annars hefði ekki þurft að gera frekari ráðstafanir á árinu eftir slys stefnanda og ekki hefðu þá verið gerðar athugasemdir í skýrslu heilbrigðiseftirlitsins. Í kjölfarið krafði konan VÍS um bætur fyrir hönd Reykjavíkurborgar í nóvember 2020 en VÍS tilkynnti henni að ekki væri unað við niðurstöðu úrskurðarnefndarinnar. Taldi VÍS að skilyrði skaðabótaskyldu væru ekki uppfyllt þar sem aðstæður á slysstað hefðu uppfyllt öll skilyrði starfsleyfis um hálkuvarnir og öryggismerkingar. Sundhöll Reykjavíkur var tekin í notkun árið 1937. Guðjón Samúelsson arkitekt teiknaði tæplega 2.700 fermetra húsið. Reykjavík Ekki fallist á að að konan hafi átt hlut í því að slysið átti sér stað Þann 20. maí 2021 fékk konan leyfi til gjafsóknar og höfðaði málið gegn Reykjavíkurborg og VÍS 8. júní 2021. Niðurstaða mats lögfræðings og bæklunarlæknis á afleiðingum slyssins var sú að tímabundin óvinnufærni konunnar hefði staðið frá 6. desember 2018 til 21. janúar 2019. Þá ætti konan rétt á þjáningarbótum vegna sama tímabils, varanlegur miski næmi tíu stigum og varanleg örorka væri 5%. Sjálf segir konan að fall hennar megi rekja til þess að hún hafi dottið á hálu yfirborði sundlaugarmottunnar. Þó liggur fyrir að ekki var um hálku vegna ísingar að ræða þar sem hitastig var vel yfir frostmarki á umræddum degi. Starfsmaður borgarinnar sem fyllti út slysaskýrslu Sundhallarinnar notaði einnig orðið hálka til að lýsa aðstæðum á staðnum þar sem slysið átti sér stað. Héraðsdómur féllst ekki á að sú hálka og „sleipa“ sem varð konunni að falli hafi verið eðlileg þannig að fall hennar verði talið hafa átt sér stað vegna óhappatilviljunar. Dómurinn sagði ekkert hafa komið fram í málinu sem skjóti stoðum undir þann málatilbúnað Reykjavíkurborgar að konan hafi á einhvern hátt gengið óvarlega fram eða átt hlut að því á annan hátt að slys hennar átti sér stað. Var því fallist á skaðabótaskyldu Reykjavíkurborgar.
Reykjavík Dómsmál Sundlaugar Slysavarnir Tryggingar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Viðtal á Stöð 2 kveikir upp í færeyskum stjórnmálum Erlent Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Ætlar alla leið í baráttu fyrir nafninu sínu Innlent Svona voru kappræður sex efstu í baráttunni um Bessastaði Innlent Fara fram á farbann Innlent Skipið leggur úr höfn Innlent Baldur vinsælasta plan B Innlent Fleiri fréttir Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Gríðarleg fjölgun á dvalarleyfum til Víetnama á grundvelli sérfræðiþekkingar „Nú á dögunum tók sonur minn líf sitt innan veggja fangelsisins“ Baldur vinsælasta plan B Bein útsending: MenntaStefnumót í Reykjavík Treysta sér til þess að vernda þjóðkirkjuna Magnús Geir vill fimm ár í viðbót í Þjóðleikhúsinu Telur ekki óeðlilegt að sýna mótmælendum samstöðu Sjá meira