Erlent

Vilhjálmur prins biðst afsökunar á viðbjóðslegu þrælahaldi Breta

Heimir Már Pétursson skrifar
Vilhjálmur Bretaprins og Katrín eru nú í heimsókn í samveldisríkjum í Karabíska hafinu. 
Vilhjálmur Bretaprins og Katrín eru nú í heimsókn í samveldisríkjum í Karabíska hafinu.  Getty/Samir Hussein

Vilhjálmur Bretaprins hefur beðið íbúa Jamaica afsökunar á þrælahaldi Breta á eyjunum undir þrjú hundruð ára stjórn þeirra. Prinsinn og Katrín eiginkona hans eru nú í heimsókn í samveldisríkjum í Karabíska hafinu.

Andrew Holness forsætisráðherra Jamaica tilkynnti óvænt í gær að landið ætlaði að yfirgefa samveldið og verða að fullu sjálfstætt. Það yrði annað samveldisríkið til að gera það á valdatíma Elísabetar drottningar en Barbados gerði það í nóvember.

Í móttöku hjá ríkisstjóra Jamaica í gærkvöldi sagði Vilhjálmur að þrælahaldið verði smánarblettur á sögu Bretlands alla tíð.

„Ég vil biðjast afsökunar frá dýpstu hjartarótum. Þrælahald er viðurstyggilegt og hefði aldrei átt að eiga sér stað. Þótt sársaukinn risti djúpt mun Jamaíka halda ótrauð áfram að móta framtíð sína af staðfestu, hugrekki og þolgæði.“ Sagði Vilhjálmur.

Kóngafólk Jamaíka Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið