Sendiráð Rússneska sambandsríkisins, Úkraínugötu 33 Ólafur Stephensen skrifar 11. mars 2022 13:00 Víða um Evrópu eru götur, þar sem sendiráð Rússlands standa, nú endurnefndar til heiðurs frelsisbaráttu Úkraínu. Skipt um skilti í Vilníus Ákvarðanir um slíkt hafa nú þegar verið teknar í nokkrum höfuðborgum. Í Ósló í Noregi stendur rússneska sendiráðið nú við Úkraínutorg, Í Tirana í Albaníu verður heimilisfang rússneska sendiherrans Frjáls Úkraína. Í Vilníus í Litháen er götuheitið Gata úkraínsku hetjanna – og búið að breyta skiltunum. Í Riga í Lettlandi mun sendiráð herraþjóðarinnar fyrrverandi standa við Götu sjálfstæðrar Úkraínu. Í sumum tilvikum hefur verið tiltekið sérstaklega að póstþjónustan í viðkomandi borgum muni ekki bera út bréf eða pakka á gamla heimilisfangið. Tillögur um nafnbreytingar eru til umræðu í fleiri borgum. Þannig hafa Frjálslyndir demókratar í Bretlandi beint þeirri tillögu til hverfisstjórnar Kensington og Chelsea í London að nafni Kensington Palace Gardens, þar sem rússneska sendiráðið stendur, verði breytt í Zelenskí-breiðgötu, til heiðurs forseta Úkraínu. Í Dublin, höfuðborg Írlands, hefur tillaga um að breyta nafni Orwell Road, þar sem stjórn Pútíns starfrækir sendiráðs, í Götu sjálfstæðrar Úkraínu verið samþykkt í undirnefnd borgarstjórnar, en nafnbreytingin bíður niðurstöðu samráðs við íbúa götunnar. Í Danmörku hefur Jakob Ellemann-Jensen, formaður Vinstriflokksins, lagt til að nafni Kristianiu-götu, sem rússneska sendiráðið stendur við, verði breytt í Úkraínugötu. Einn af borgarstjórum Kaupmannahafnar, Line Barfoed frá Einingarlistanum, tekur undir tillöguna og hefur beðið stjórnsýslu borgarinnar að vinna málið hratt. „Mér finnst þetta liggja í augum uppi, því að við eigum á allan hugsanlegan máta að sýna andstöðu okkar við hina skelfilegu og óskiljanlegu innrás Rússa,“ skrifaði Barfoed í yfirlýsingu. Hálfkák í Reykjavík Fulltrúar Sjálfstæðisflokksins í skipulags- og samgönguráði lögðu á miðvikudaginn fram tillögu um að nafnanefnd borgarinnar yrði falið að „breyta nafni Garðastrætis í Kænugarðsstræti, eða finna annan viðeigandi stað eftir atvikum.“ Á fundi ráðsins var tillögunni breytt og eftirfarandi samþykkt: „Nafnanefnd er falið að gera tillögu að götu eða torgi í Reykjavík sem kennd væru við Úkraínu eða Kænugarð. Nefndinni er falið að koma með tillögur að mögulegum staðsetningum og nöfnum og skila þeim til skipulags- og samgönguráðs.“ Þessi lufsulega samþykkt er tómt hálfkák. Það kemur ekki annað til greina en að breyta nafni götunnar þar sem sendiráð Rússlands hefur skráð heimilisfang og hefur ekkert upp á sig að eyða tíma í annað. Rússland á reyndar sendiráðsbyggingar bæði við Garðastræti og Túngötu – til öryggis mætti breyta nafni beggja. Í samþykktinni eru ekki einu sinni sett tímamörk á það hvenær nafnanefndin á að skila tillögum til skipulagsráðs, sem þarf svo væntanlega að velja úr þeim og gera tillögu til borgarstjórnar. Borgaryfirvöld í Reykjavík, rétt eins og í öðrum höfuðborgum Evrópuríkja sem taldar eru upp hér að ofan, eiga að bregðast hratt og ákveðið við og samþykkja sem allra fyrst að breyta nafni Garðastrætis, þar sem sendiráð Rússneska sambandsríkisins er skráð til heimilis í húsi nr. 33. Hin nýja nafngift götunnar á að senda stjórn Vladimírs Pútíns þau skýru skilaboð að borgarbúar í Reykjavík, rétt eins og allur almenningur í lýðræðisríkjum um allan heim, mótmæli innrásinni í Úkraínu 24. febrúar og þeim glæpum, sem síðan hafa verið framdir í nafni Rússneska sambandsríkisins í landinu. Í þessu samhengi má rifja upp að ótal dæmi eru um að götur séu endurnefndar í Reykjavík. Góð breyting var til dæmis gerð árið 2010, þegar götuheitum í Túnunum í Reykjavík var breytt til að heiðra forvígiskonur kvenréttindabaráttu í borginni. Þeim áformum var hrint í framkvæmd, jafnvel þótt eigendur sumra fasteigna við þessar götur andmæltu þeim. Borgarstjórinn gyrði sig í brók Af hverju hefur ekki heyrzt bofs frá borgarstjóranum í Reykjavík vegna þessa máls? Hann á að gyrða sig í brók og hafa forystu um að þetta mál verði klárað hratt. Þeir sem þekkja til stjórnsýslu Reykjavíkurborgar vita að hún vinnur yfirleitt á hraða snigilsins, en nú er tækifæri til að slá í klárinn. Gera má ráð fyrir yfirgnæfandi stuðningi íbúa í Reykjavík við þau táknrænu mótmæli, sem í nafnbreytingunni felast. Sendiráð Rússneska sambandsríkisins, Úkraínugötu 33. Væri sú lína ekki við hæfi á nafnspjaldi Míkhaíls Noskov, sendiherra Rússneska sambandsríkisins? Höfundur er fyrrverandi blaðamaður og fjölskyldufaðir í Smáíbúðahverfinu. Viltu birta grein á Vísi? Sendu okkur póst. Senda grein Ólafur Stephensen Innrás Rússa í Úkraínu Reykjavík Borgarstjórn Sendiráð á Íslandi Tengdar fréttir Rússar sem vilja frið og litlir karlar í Kreml Undanfarna daga hefur mér orðið hugsað til samtals sem ég átti á bekk í sólríkum garði í litlu þorpi skammt frá Moskvu í ágúst 1991, nokkrum mánuðum áður en Sovétríkin liðu undir lok. 7. mars 2022 09:30 Mest lesið „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Vér erum úr sömu sveit Steinþór Logi Arnarsson Skoðun Heiðmörk: Gaddavír og girðingar Auður Kjartansdóttir Skoðun Réttlát leiðrétting veiðigjalda Elín Íris Fanndal Skoðun Sósíalistaflokkurinn kaus breytingar Karl Héðinn Kristjánsson Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Stéttarkerfi Halldóra Lillý Jóhannsdóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Halldór 24.05.2025 Halldór Skoðun Skoðun Sósíalistaflokkurinn kaus breytingar Karl Héðinn Kristjánsson skrifar Skoðun Vér erum úr sömu sveit Steinþór Logi Arnarsson skrifar Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar Skoðun Réttlát leiðrétting veiðigjalda Elín Íris Fanndal skrifar Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar Skoðun Heiðmörk: Gaddavír og girðingar Auður Kjartansdóttir skrifar Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Sjá meira
Víða um Evrópu eru götur, þar sem sendiráð Rússlands standa, nú endurnefndar til heiðurs frelsisbaráttu Úkraínu. Skipt um skilti í Vilníus Ákvarðanir um slíkt hafa nú þegar verið teknar í nokkrum höfuðborgum. Í Ósló í Noregi stendur rússneska sendiráðið nú við Úkraínutorg, Í Tirana í Albaníu verður heimilisfang rússneska sendiherrans Frjáls Úkraína. Í Vilníus í Litháen er götuheitið Gata úkraínsku hetjanna – og búið að breyta skiltunum. Í Riga í Lettlandi mun sendiráð herraþjóðarinnar fyrrverandi standa við Götu sjálfstæðrar Úkraínu. Í sumum tilvikum hefur verið tiltekið sérstaklega að póstþjónustan í viðkomandi borgum muni ekki bera út bréf eða pakka á gamla heimilisfangið. Tillögur um nafnbreytingar eru til umræðu í fleiri borgum. Þannig hafa Frjálslyndir demókratar í Bretlandi beint þeirri tillögu til hverfisstjórnar Kensington og Chelsea í London að nafni Kensington Palace Gardens, þar sem rússneska sendiráðið stendur, verði breytt í Zelenskí-breiðgötu, til heiðurs forseta Úkraínu. Í Dublin, höfuðborg Írlands, hefur tillaga um að breyta nafni Orwell Road, þar sem stjórn Pútíns starfrækir sendiráðs, í Götu sjálfstæðrar Úkraínu verið samþykkt í undirnefnd borgarstjórnar, en nafnbreytingin bíður niðurstöðu samráðs við íbúa götunnar. Í Danmörku hefur Jakob Ellemann-Jensen, formaður Vinstriflokksins, lagt til að nafni Kristianiu-götu, sem rússneska sendiráðið stendur við, verði breytt í Úkraínugötu. Einn af borgarstjórum Kaupmannahafnar, Line Barfoed frá Einingarlistanum, tekur undir tillöguna og hefur beðið stjórnsýslu borgarinnar að vinna málið hratt. „Mér finnst þetta liggja í augum uppi, því að við eigum á allan hugsanlegan máta að sýna andstöðu okkar við hina skelfilegu og óskiljanlegu innrás Rússa,“ skrifaði Barfoed í yfirlýsingu. Hálfkák í Reykjavík Fulltrúar Sjálfstæðisflokksins í skipulags- og samgönguráði lögðu á miðvikudaginn fram tillögu um að nafnanefnd borgarinnar yrði falið að „breyta nafni Garðastrætis í Kænugarðsstræti, eða finna annan viðeigandi stað eftir atvikum.“ Á fundi ráðsins var tillögunni breytt og eftirfarandi samþykkt: „Nafnanefnd er falið að gera tillögu að götu eða torgi í Reykjavík sem kennd væru við Úkraínu eða Kænugarð. Nefndinni er falið að koma með tillögur að mögulegum staðsetningum og nöfnum og skila þeim til skipulags- og samgönguráðs.“ Þessi lufsulega samþykkt er tómt hálfkák. Það kemur ekki annað til greina en að breyta nafni götunnar þar sem sendiráð Rússlands hefur skráð heimilisfang og hefur ekkert upp á sig að eyða tíma í annað. Rússland á reyndar sendiráðsbyggingar bæði við Garðastræti og Túngötu – til öryggis mætti breyta nafni beggja. Í samþykktinni eru ekki einu sinni sett tímamörk á það hvenær nafnanefndin á að skila tillögum til skipulagsráðs, sem þarf svo væntanlega að velja úr þeim og gera tillögu til borgarstjórnar. Borgaryfirvöld í Reykjavík, rétt eins og í öðrum höfuðborgum Evrópuríkja sem taldar eru upp hér að ofan, eiga að bregðast hratt og ákveðið við og samþykkja sem allra fyrst að breyta nafni Garðastrætis, þar sem sendiráð Rússneska sambandsríkisins er skráð til heimilis í húsi nr. 33. Hin nýja nafngift götunnar á að senda stjórn Vladimírs Pútíns þau skýru skilaboð að borgarbúar í Reykjavík, rétt eins og allur almenningur í lýðræðisríkjum um allan heim, mótmæli innrásinni í Úkraínu 24. febrúar og þeim glæpum, sem síðan hafa verið framdir í nafni Rússneska sambandsríkisins í landinu. Í þessu samhengi má rifja upp að ótal dæmi eru um að götur séu endurnefndar í Reykjavík. Góð breyting var til dæmis gerð árið 2010, þegar götuheitum í Túnunum í Reykjavík var breytt til að heiðra forvígiskonur kvenréttindabaráttu í borginni. Þeim áformum var hrint í framkvæmd, jafnvel þótt eigendur sumra fasteigna við þessar götur andmæltu þeim. Borgarstjórinn gyrði sig í brók Af hverju hefur ekki heyrzt bofs frá borgarstjóranum í Reykjavík vegna þessa máls? Hann á að gyrða sig í brók og hafa forystu um að þetta mál verði klárað hratt. Þeir sem þekkja til stjórnsýslu Reykjavíkurborgar vita að hún vinnur yfirleitt á hraða snigilsins, en nú er tækifæri til að slá í klárinn. Gera má ráð fyrir yfirgnæfandi stuðningi íbúa í Reykjavík við þau táknrænu mótmæli, sem í nafnbreytingunni felast. Sendiráð Rússneska sambandsríkisins, Úkraínugötu 33. Væri sú lína ekki við hæfi á nafnspjaldi Míkhaíls Noskov, sendiherra Rússneska sambandsríkisins? Höfundur er fyrrverandi blaðamaður og fjölskyldufaðir í Smáíbúðahverfinu.
Rússar sem vilja frið og litlir karlar í Kreml Undanfarna daga hefur mér orðið hugsað til samtals sem ég átti á bekk í sólríkum garði í litlu þorpi skammt frá Moskvu í ágúst 1991, nokkrum mánuðum áður en Sovétríkin liðu undir lok. 7. mars 2022 09:30
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar
Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar
Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun