Hundrað manns á sjúkrahúsum landsins með Covid-19

Atli Ísleifsson skrifar 11. mars 2022 12:00

88 sjúklingar eru nú inniliggjandi með Covid-19 á Landspítala. Vísir/Vilhelm

Alls eru hundrað manns nú inniliggjandi á sjúkrahúsum landsins með Covid-19 og hafa aldrei verið fleiri. 2.656 greindust með Covid-19 í gær, ýmist í hraðprófum eða þá PCR-prófum.

Þetta kemur fram á vefnum covid.is. Af þeim hundrað sem eru inniliggjandi á sjúkrahúsum með Covid-19 þá eru fjórir á gjörgæslu. Níutíu voru inniliggjandi með Covid-19 á sjúkrahúsum landsins í gær.

Á vef Landspítalans má sjá að þar eru 88 sjúklingar nú inniliggjandi með Covid-19. Tveir eru á gjörgæslu, annar þeirra í öndunarvél. Meðalaldur innlagðra á Landspítalanum er 72 ár.

158.533 hafa nú greinst með staðfest Covid-19 smit hér á landi frá upphaf faraldursins, eða 43 prósent landsmanna.

5.184 hraðpróf voru greind innanlands í gær og 483 PCR-próf.

Faraldur kórónuveiru (COVID-19) Landspítalinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.