Viðskipti innlent

Rúss­neskum karfa­veiði­skipum meinað að koma til landsins

Tryggvi Páll Tryggvason skrifar
Þetta er karfi.
Þetta er karfi. Vísir/Vilhelm.

Rússneskum karfaveiðiskipum verður ekki lengur heimilt að koma til Íslands eftir að íslensk stjórnvöld tóku ákvörðun um að afturkalla undanþágu sem verið hefur í gildi frá aldamótum.

Þetta kemur fram á vef Stjórnarráðsins þar sem segir að Svandís Svavarsdóttir, matvælaráðherra, hafi kynnt minnisblað á ríkisstjórnarfundi um afturkalla undanþágu sem hefur verið í gildi fyrir rússneska togara til löndunar og umskipunar í íslenskum höfnum.

Erlendum skipum er samkvæmt lögum veiðar og vinnslu erlendra skipa í fiskveiðilandhelgi Íslands óheimilt að koma til hafnar á Íslandi og fá hér þjónustu stundi það veiðar eða vinnslu á afla úr sameiginlegum nytjastofnun, án þess að gerður hafi verið milliríkjasamningur.

Heimilt er hins vegar í lögum að veita undanþágu vegna slíkra veiða og hefur slík undanþága verið í gildi frá árinu 1999 fyrir rússneska togara sem stunda veiðar á karfa.

„Fram til þessa hefur verið litið til heildarviðskiptahagsmuna við Rússland við mat á þessari undanþágu. Á undanförnum árum hefur ítrekað komið til skoðunar að afturkalla undanþáguna. Með hliðsjón af nýju mati á hagsmunum Íslands í samskiptum við Rússland vegna innrásar Rússlands í Úkraínu hefur ráðherra tekið ákvörðun um að afturkalla þessa undanþágu,“ segir í tilkynningu Stjórnarráðsins.

Innrás Rússa í Úkraínu Utanríkismál Sjávarútvegur Rússland Efnahagsmál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið