Íslendingur tekur við stjórnartaumum útgerðarrisa í Bandaríkjunum
Ritstjórn Innherja skrifar
Einar Gústafsson var stjórnandi hjá Bakkavör um langt skeið.
Bandaríski útgerðarrisinn American Seafood Group, sem er eitt stærsta fyrirtækið á heimsvísu í veiðum á Alaskaufsa og Kyrrahafslýsingi, hefur ráðið Íslendinginn Einar Gústafsson sem forstjóra.
Einar starfaði um 15 ára skeið sem framkvæmdastjóri breska matvælafyrirtækisins Bakkavarar í Asíu en síðustu tvö ár hefur hann starfað sem forstjóri Gong Cha, sem framleiðir freyðite (e. bubble tea), í Ameríku og Evrópu.
Eigandi American Seafood Group, framtakssjóðurinn Bregal Partners, hefur reynt að selja sjávarútvegsfyrirtækið í um þrjú ár án árangurs en nýlega hafa erlendir fjölmiðlar greint frá því að fyrirtækið sé að undirbúa sig fyrir miklar yfirtökur í sjávarútvegi.
Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
