Rússneski herinn gerði í morgun innrás í Úkraínu að skipan Vladimír Pútín forseta Rússlands. Sprengjum hefur rignt yfir nokkrar borgir Úkraínu, innrás úr norðri, austri og suðri en fólksflótti er frá höfuðborginni Kiev í vestur.
Fjallað verður ítarlega um stöðu mála í aukafréttatíma í hádeginu á Stöð 2, Stöð 2 Vísi og Bylgjunni. Fréttatíminn hefst klukkan 12.
Farið verður yfir málið með sérfræðingum, atburðarásin dregin saman, nýtt myndefni frá Úkraínu sýnt og rætt við Íslendinga á staðnum.
Her Rússlands gerði í morgun innrás í Úkraínu eftir skipun frá Vladimír Pútín, forseta Rússlands. Innrásin hófst á sprengjuregni í nokkrum borgum Úkraínu og innrás úr norðri, austri og suðri.
