Innlent

Bein útsending: Kvöldfréttir Stöðvar 2

Kristín Ólafsdóttir skrifar
Edda Andrésdóttir les fréttir í kvöld.
Edda Andrésdóttir les fréttir í kvöld.

Foreldrar stúlku í Dalvíkurskóla harma óvægna umfjöllun um átök hennar og kennara, sem lauk með brottrekstri kennarans. Honum voru loks dæmdar átta milljónir í bætur vegna ólögmætrar uppsagnar. Þau gagnrýna málflutning Kennarasambandsins, sem lýsti málavöxtum ítarlega í tilkynningu. Við ræðum við foreldrana í kvöldfréttum Stöðvar 2 á slaginu 18:30.

Þá förum við í heimsókn til Vestmannaeyja, þar sem var kolófært í morgun í mesta fannfergi sem íbúar muna í fimmtán ár. Við sýnum magnaðar myndir frá snjónum og ræðum svo við veðurfræðing í beinni útsendingu um ofsaveður sem gengur yfir landið annað kvöld.

Við tökum einnig stöðuna á hernaðarumsvifum Rússa við landamæri Úkraínu, þar sem flestir búast við innrás á næstu dögum. Rússar hafa hætt við að kalla hermenn sína í Hvíta-Rússlandi aftur heim.

Þá segjum við frá því að aldrei hafa fleiri hjúkrunarfræðingar sótt um í styrktarsjóð Félags íslenskra hjúkrunarfræðinga og sömuleiðis hafa aldrei fleiri hjúkrunarfræðingar verið í þjónustu hjá VIRK. 

Við fjöllum einnig um hvimleitt vandamál sem margir Íslendingar glíma við þessa dagana en óviðeigandi skilaboð frá erlendum klámsíðum hafa hrúgast inn í pósthólf fólks á samfélagsmiðlum. En það er hægt að losna við þau, ef fólk vill, og við sýnum ykkur hvernig best er að gera það. 

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið