Innlent

Kvöldfréttir Stöðvar 2

Samúel Karl Ólason skrifar
Kvöldfréttirnar eru á sínum stað klukkan 18:30.
Kvöldfréttirnar eru á sínum stað klukkan 18:30.

Í kvöldfréttum Stöðvar 2 fjöllum við ítarlega um umfangsmiklar aðgerðir við Þingvallavatn þar sem unnið hefur verið að því að ná öllum fjórum farþegum flugvélarinnar sem fórst í síðustu viku upp úr vatninu. Kristín Ólafsdóttir fréttamaður okkar hefur fylgst með aðgerðum í dag og ræðir við viðbragðsaðila í beinni útsendingu.

Þá verður sömuleiðis fjallað um skotárásina í Grafarholti en lögregla réðist í gríðarlegar aðgerðir í nótt við að hafa uppi á skotárásarmanninum. Lögregla lítur málið alvarlegum augum, og ekki síst í ljósi þess að þetta er í annað sinn á innan við ári sem manneskja verður fyrir skotárás hér á landi.

Einnig tökum við stöðuna prófkjörum fyrir sveitarstjórnarkosningarnar í vor, en þær hefjast með flokksvali Samfylkingarinnar í Reykjavík og Hafnarfirði um helgina.

Leiklist leikur stórt hlutverk í leikskólanum Laufskála þar sem börnin stíga reglulega á svið. Um er að ræða sérstakt verkefni sem vakið hefur athygli.

Þetta og margt fleira á samtengdum rásum Stöðvar 2 og Bylgjunnar klukkan hálf sjö.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið