Innlent

2.167 greindust innan­lands

Atli Ísleifsson skrifar
Greint var frá því í gær að metfjöldi hefði greist með kórónuveiruna síðasta þriðjudag, eða 2.254 manns.
Greint var frá því í gær að metfjöldi hefði greist með kórónuveiruna síðasta þriðjudag, eða 2.254 manns. Vísir/Vilhelm

2.167 greindust með kórónuveiruna innanlands í gær og fjórtán á landamærum.

Frá þessu segir á síðunni covid.is. 9.734 eru nú í einangrun vegna Covid-19 samanborið við 10.100 í gær. 9.619 eru nú í sóttkví, en voru 8.763 í gær. 201 er nú í skimunarsóttkví.

Nítján prósent af þeim sem greindust innanlands í gær voru í sóttkví við greiningu og 81 prósent utan sóttkvíar.

38 eru nú á sjúkrahúsi með Covid-19, en voru 34 í gær. Þrír eru á gjörgæslu, sami fjöldi og í gær.

Alls voru 3.096 einkennasýni greindi í gær, 969 sóttkvíarsýni og 304 landamærasýni.

Alls hafa 83.942 manns greinst með kórónuveiruna hér á landi frá því faraldurinn hófst í lok febrúar á þarsíðasta ári. 23 prósent íbúa hafa nú greinst með Covid-19. 51 hefur látist á Íslandi vegna COVID-19 frá upphafi faraldursins.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 5.403 en var 5.240 í gær. Nýgengi á smiti á landamærum er nú 193, samanborið við 202 í gær.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið