Stefán Pálsson sagnfræðingur, bjórsérfræðingur og pistlahöfundur stefnir á annað sætið í forvali Vinstri grænna í Reykjavík fyrir komandi sveitarstjórnarkosningar. Þetta herma öruggar heimildir Innherja.
Stefán er eiginmaður Steinunnar Þóru Árnadóttur, þingmanns Vinstri grænna og er öllum hnútum kunnugur innan flokksins. Hann hefur verið vinsæll stjórnmálaskýrandi í þjóðmálaþáttum um árabil.
Ákveðið var á félagsfundi Vinstri grænna í síðasta mánuði að efnt yrði til forvals um efstu þrjú sætin á lista flokksins. Þegar hafa þrír gefið kost á sér í sæti oddvitans í forvalinu.
Um oddvitasætið munu berjast þær Líf Magneudóttir, eini sitjandi borgarfulltrúi VG, Elín Oddný Sigurðardóttir, varaborgarfulltrúi flokksins og nú síðast blandaði Elín Björk Jónasdóttir, formaður Reykjavíkurfélags Vinstri grænna, sér í slaginn um að leiða VG í sveitarstjórnarkosningunum sem fram fara í maí.
Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.
Vinstri græn hafa ákveðið að efna til forvals um þrjú efstu sætin á lista flokksins fyrir borgarstjórnarkostningarnar í vor. Þetta var ákveðið á félagsfundi VG í gærkvöldi.
Elín Oddný Sigurðardóttir varaborgarfulltrúi Vinstri grænna sem sækist eftir að taka við forystusætinu af Líf Magneudóttur í borgarstjórn vill leggja aukna áherslu á velferðarmálin og stöðu jaðarsettra hópa í borginni. Líf lítur ekki á framboð Elínar Oddnýjar sem sérstakt mótframboð gegn henni.
Elín Björk Jónasdóttir, formaður Reykjavíkurfélags Vinstri grænna, hefur ákveðið að gefa kost á sér í fyrsta sæti í forvali Vinstri grænna í Reykjavík fyrir komandi sveitarstjórnarkosningar.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.