Lærisveinar Aðalsteins enn með örugga forystu eftir jafntefli

Leikurinn var jafn og spennandi allt frá fyrstu mínútu og hvorugt liðið náði að koma sér í afgerandi forystu. Þegar flautað var til hálfleiks leiddu heimamenn í Kadetten með einu marki, 15-14.

Sömu sögu er að segja af síðari hálfleik þar sem ekkert virtist geta skilið liðin að. Lokatölur urðu 30-30 og liðin skiptu því stigunum á milli sín.

Kadetten er sem áður segir á toppi deildarinnar með 30 stig eftir 16 leiki, sex stigum meira en Pfadi Winterthur sem hefur leikið einum leik meira.