Tónlist

Joni Mitchell fylgir Young og biður Spoti­fy að taka út tón­listina sína

Hallgerður Kolbrún E. Jónsdóttir skrifar
Joni Mitchell hefur óskað eftir því að tónlist hennar verði fjarlægð af Spotify.
Joni Mitchell hefur óskað eftir því að tónlist hennar verði fjarlægð af Spotify. Getty/Lester Cohen

Tónlistarkonan Joni Mitchell hefur óskað eftir því að tónlist hennar verði fjarlægð af Spotify. Hún fylgir í fótspor Neil Young, sem gagnrýndi Spotify fyrir að framleiða hlaðvarpsþátt sem dreifi falsupplýsingum um kórónuveirufaraldurinn. 

„Óábyrgt fólk er að dreifa lygum sem kosta fólk lífið,“ sagði söngkonan í yfirlýsinu sem birtist á vefsíðu hennar. 

Gagnrýnin beinist að hlaðvarpinu The Joe Rogan Experience, sem er vinsælasta hlaðvarpið á Spotify og eitt það vinsælasta í heiminum. Rogan fékk til sín nýlega smitsjúkdómalækni sem hefur talað gegn bólusetningum barna, sem vakti um mikla reiði.

Neil Young óskaði eftir því á mánudag að tónlist hans yrði annað hvort fjarlægð af Spotify eða hlaðvarp Rogans. Spotify sagði í yfirlýsingu að fyrirtækinu þætti staðan miður en a tónlist Young yrði fjarlægð. Það hefur þó ekki verið gert þegar þessi frétt er skrifuð. 

Mitchell sagði í yfirlýsingu sinni, sem gefin var út í gærkvöldi, að hún stæði með félaga sínum Young og með alþjóðasamfélagið vísindamanna og heilbrigðisstarfsmanna. 

Young og Mitchell hafa verið vinir í áratugi og eru bæði hluti af þeim hópi fólks sem lifði af mænusótt. Bæðu smituðust þau af þeirri veiru snemma á sjötta áratugi síðustu aldar, stuttu áður en bóluefni gegn mænusótt var þróað. 

Þess má geta að þegar mænusóttarfaraldur reið yfir Bandaríkin snemma og um miðja síðustu öld var ráðist í umfangsmikið bólusetningarátak fyrir stjórnvalda en Franklin D. Roosevelts fyrrverandi forseti hafði verið mikill baráttumaður fyrir þróun bóluefnisins og stóð fyrir átakinu March of Dimes.

Mitchell nefndi Rogan ekki sérstaklega í yfirlýsingu sinni eins og Young gerði en hún vísað þó til opins bréfs sem hópur vísinda- og heilbrigðisstarfsmanna sendu Spotify, þar sem fyrirtækið var gagnrýnt fyrir að styðja áfram við hlaðvarp Rogans. Spotify greiddi Rogan 100 milljónir Bandaríkjadala árið 2020 til að tryggja að þættirnir yrðu framvegis einungis aðgengilegir á Spotify. 


Tengdar fréttir

Fjarlægja tónlist Neil Young af Spotify

Spotify vinnur nú að því að fjarlæga tónlist Neil Young af streymisveitunni eftir að fyrirtækið neitaði að taka út umdeilda hlaðvarpsþætti Joe Rogan. Young setti Spotify afarkosti á dögunum og krafðist þess að þættirnir yrðu strax fjarlægðir en Rogan hefur verði gagnrýndur fyrir að dreifa fölskum upplýsingum um virkni bóluefna gegn Covid-19.

Neil Young setur Spotify afarkosti vegna Joe Rogan

Rokkarinn Neil Young hefur krafist þess að tónlist hans á Spotify verði fjarlægð vegna falsupplýsinga um bóluefni sem Joe Rogan dreifi í hlaðvarpi sínu. Neil Young segir Spotify hafa valið; Neil Young eða Joe Rogan.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.