Eigi að vera tilbúin að aflétta fyrr ef við á Eiður Þór Árnason skrifar 28. janúar 2022 14:36 Ríkisstjórnin kynnti afléttingar sóttvarnaaðgerða í Safnahúsinu í dag. Vísir/Vilhelm „Ég held að þetta sé varfærið og skiljanlegt fyrsta skref og við höfum svo fyrirsjáanleikann í því að geta afléttað hér öllu um miðjan mars ef allt gengur að óskum. Við höfum alltaf í huga að geta aflétt fyrr ef staðan þróast þannig, við verðum bara að meta þetta jöfnum höndum,“ Þetta segir Willum Þór Þórsson heilbrigðisráðherra um næstu skref í sóttvarnaaðgerðum stjórnvalda. Hann kynnti í dag að fimmtíu manns megi koma saman á miðnætti í stað tíu og eins metra nándarregla taki jafnframt gildi. Krár og skemmtistaðir mega opna að nýju og opnunartími þeirra og annarra veitingastaða verður lengdur til 23. Heimilt verður að halda sitjandi viðburði fyrir 500 manns að uppfylltum ákveðnum skilyrðum. Takmarkanir í skólum verða að mestu óbreyttar. Aðspurður um hvort það hefði verið hægt að ganga lengra í þessu skrefi segir Willum að stjórnvöld hafi allan tímann í meginatriðum fylgt ráðum færustu sérfræðinga. Sóttvarnalæknir leggi til að aðgerðir verið teknar í þessum skrefum og taki þar mið af núverandi stöðu sem sé almennt viðkvæm þó hún sé betri í heilbrigðiskerfinu. Áhyggjuefni hversu margir starfsmenn eru í einangrun Heilbrigðisráðherra segir að áfram þurfi að gæta að jafnvægi og passa að heilbrigðiskerfið ráði við stöðuna. 208 starfsmenn Landspítalans eru nú með Covid-19 og fram hefur komið að skortur á starfsfólki sé ein helsta ástæðan fyrir því að spítalinn hefur verið á neyðarstigi í fimm vikur. Willum segir að það sé ástæða til að hafa áhyggjur af þeirri stöðu en stjórnvöld hafi unnið þétt með stjórnendum spítalans, bæði hvað varðar mönnun og flæði sjúklinga út af spítalanum á aðrar stofnanir. Sú vinna hafi gengið mjög vel og staðan fari nú batnandi. Mikill fjöldi starfsmanna hefur greinst með Covid-19. Vísir/Vilhelm „Við höfum uppfyllt mönnunargatið umfram þá sem vantar á gólfið og eru í einangrun en þetta er auðvitað viðkvæm staða og við munum halda áfram að styðja við spítalann með þessum hætti. Viðbótarvinnuframlagið mun ganga áfram og svo þurfum við að skoða þá samninga sem við höfum utan frá.“ Landspítalinn hefur að undanförnu sótt í bakvarðasveit heilbrigðisþjónustunnar og fengið til sín starfsfólk frá Klíníkinni, Lækningu og Orkuhúsinu. „Við munum bara vinna þetta áfram með spítalanum, það er þetta jafnvægi á milli samkomutakmarkana og að ráða við stöðuna víða, eins og á spítalanum, og þess vegna tökum við varfærið skref,“ segir Willum. Hann á von á því að spítalinn geti farið af neyðarstigi í næstu viku en segir það þó í höndum farsóttanefndar. Stóra breytingin sé að álag á gjörgæsluna hafi minnkað og minna sé um alvarleg veikindi þó sýkingar hafi komið upp meðal sjúklinga á öðrum deildum spítalans. Næstu breytingar eftir fjórar vikur Í nýjasta minnisblaði sóttvarnalæknis til heilbrigðisráðherra miðar hann við að næsta skref í afléttingum verði tekið þann 24. febrúar, ef fram fer sem horfir. „Það verður náttúrulega áskorun fyrir okkur öll að gæta að þessu jafnvægi en ef allt gengur að óskum og þróunin verður áfram sú sama þá erum við auðvitað alltaf tilbúin, og eigum að vera það, til að aflétta fyrr.“ Hvaða breytingar verða þá gerðar 24. febrúar? „Ég held að við ættum ekki að einblína á 24. Nú tók ég bara þetta skref í minnisblaði til ríkisstjórnar, það er viðmið, en við verðum alltaf að meta aðstæður hverju sinni,“ sagði Willum Þór Þórsson heilbrigðisráðherra.
Þetta segir Willum Þór Þórsson heilbrigðisráðherra um næstu skref í sóttvarnaaðgerðum stjórnvalda. Hann kynnti í dag að fimmtíu manns megi koma saman á miðnætti í stað tíu og eins metra nándarregla taki jafnframt gildi. Krár og skemmtistaðir mega opna að nýju og opnunartími þeirra og annarra veitingastaða verður lengdur til 23. Heimilt verður að halda sitjandi viðburði fyrir 500 manns að uppfylltum ákveðnum skilyrðum. Takmarkanir í skólum verða að mestu óbreyttar. Aðspurður um hvort það hefði verið hægt að ganga lengra í þessu skrefi segir Willum að stjórnvöld hafi allan tímann í meginatriðum fylgt ráðum færustu sérfræðinga. Sóttvarnalæknir leggi til að aðgerðir verið teknar í þessum skrefum og taki þar mið af núverandi stöðu sem sé almennt viðkvæm þó hún sé betri í heilbrigðiskerfinu. Áhyggjuefni hversu margir starfsmenn eru í einangrun Heilbrigðisráðherra segir að áfram þurfi að gæta að jafnvægi og passa að heilbrigðiskerfið ráði við stöðuna. 208 starfsmenn Landspítalans eru nú með Covid-19 og fram hefur komið að skortur á starfsfólki sé ein helsta ástæðan fyrir því að spítalinn hefur verið á neyðarstigi í fimm vikur. Willum segir að það sé ástæða til að hafa áhyggjur af þeirri stöðu en stjórnvöld hafi unnið þétt með stjórnendum spítalans, bæði hvað varðar mönnun og flæði sjúklinga út af spítalanum á aðrar stofnanir. Sú vinna hafi gengið mjög vel og staðan fari nú batnandi. Mikill fjöldi starfsmanna hefur greinst með Covid-19. Vísir/Vilhelm „Við höfum uppfyllt mönnunargatið umfram þá sem vantar á gólfið og eru í einangrun en þetta er auðvitað viðkvæm staða og við munum halda áfram að styðja við spítalann með þessum hætti. Viðbótarvinnuframlagið mun ganga áfram og svo þurfum við að skoða þá samninga sem við höfum utan frá.“ Landspítalinn hefur að undanförnu sótt í bakvarðasveit heilbrigðisþjónustunnar og fengið til sín starfsfólk frá Klíníkinni, Lækningu og Orkuhúsinu. „Við munum bara vinna þetta áfram með spítalanum, það er þetta jafnvægi á milli samkomutakmarkana og að ráða við stöðuna víða, eins og á spítalanum, og þess vegna tökum við varfærið skref,“ segir Willum. Hann á von á því að spítalinn geti farið af neyðarstigi í næstu viku en segir það þó í höndum farsóttanefndar. Stóra breytingin sé að álag á gjörgæsluna hafi minnkað og minna sé um alvarleg veikindi þó sýkingar hafi komið upp meðal sjúklinga á öðrum deildum spítalans. Næstu breytingar eftir fjórar vikur Í nýjasta minnisblaði sóttvarnalæknis til heilbrigðisráðherra miðar hann við að næsta skref í afléttingum verði tekið þann 24. febrúar, ef fram fer sem horfir. „Það verður náttúrulega áskorun fyrir okkur öll að gæta að þessu jafnvægi en ef allt gengur að óskum og þróunin verður áfram sú sama þá erum við auðvitað alltaf tilbúin, og eigum að vera það, til að aflétta fyrr.“ Hvaða breytingar verða þá gerðar 24. febrúar? „Ég held að við ættum ekki að einblína á 24. Nú tók ég bara þetta skref í minnisblaði til ríkisstjórnar, það er viðmið, en við verðum alltaf að meta aðstæður hverju sinni,“ sagði Willum Þór Þórsson heilbrigðisráðherra.
Faraldur kórónuveiru (COVID-19) Samkomubann á Íslandi Ríkisstjórn Katrínar Jakobsdóttur Tengdar fréttir Vonar að útbreidd smit veiti góða vörn fyrir nýjum afbrigðum Þórólfur Guðnason sóttvarnalæknir hefur lagt til að öllum sóttvarnaaðgerðum sem eru í gildi innanlands verði búið að aflétta um miðjan marsmánuð. Hann segir að mikilvægt sé að taka smá skref í afléttingum svo ekki komi of stórt bakslag. 28. janúar 2022 13:20 Fimmtíu mega koma saman á miðnætti og stefna á að aflétta öllu í mars Fimmtíu mega koma saman á miðnætti og eins metra nándarregla tekur jafnframt gildi. Krár og skemmtistaðir mega opna að nýju og opnunartími þeirra og annarra veitingastaða verður lengdur til 23. 28. janúar 2022 11:38 Mest lesið Hrakfarir á heimleið frá Tene: „Ferðumst innanlands á næstunni og engar jólagjafir í ár“ Innlent Loka sendiráðinu örfáum dögum eftir veitingu Nóbelsverðlauna Erlent Slagorð í anda erlendra flokka sem setja þjóðernishyggju á oddinn Innlent Eldur logar á Siglufirði Innlent Heimferðin frá Tenerife algjör martröð Innlent Annar starfsmaður þingflokks Sjálfstæðisflokksins hættir Innlent „Enn einn hundur dáinn“ og kallað eftir úrbótum hjá borginni Innlent Bréfin björguðu lífi hans í rússneska fangelsinu Innlent Martraðarkennd reynsla í fangelsi hjóm í samanburði við þjáningu Palestínumanna Innlent Bókaþjófur herjar á íslenska rithöfunda á ný Innlent Fleiri fréttir Slagorð í anda erlendra flokka sem setja þjóðernishyggju á oddinn Hrakfarir á heimleið frá Tene: „Ferðumst innanlands á næstunni og engar jólagjafir í ár“ Eldur logar á Siglufirði Bréfin björguðu lífi hans í rússneska fangelsinu „Enn einn hundur dáinn“ og kallað eftir úrbótum hjá borginni Bókaþjófur herjar á íslenska rithöfunda á ný Martraðarkennd reynsla í fangelsi hjóm í samanburði við þjáningu Palestínumanna Magga Stína segir sögu sína í kvöldfréttum Fannst sofandi í gámi og var vísað í burtu Annar starfsmaður þingflokks Sjálfstæðisflokksins hættir Myndu ekki vilja stýra sveitarfélagi sem þvingað væri til sameiningar Blaðamaður DV ekki brotlegur í umfjöllun um hæfi lögreglustjórans í Eyjum Heimferðin frá Tenerife algjör martröð Enn vesen í Vesturbæjarlaug Búið að birta umhverfismatsskýrslu fyrir Sundabraut Fámennir hópar sagðir geta skuldbundið sveitarfélög með frumvarpi ráðherra „Ég er ekki sammála þessari umræðu og þessari nálgun“ Styttist í stóra ákvörðun vegna Sundabrautar Slapp með skrekkinn við myndatöku í Reynisfjöru Gíslunum sleppt á Gasa og hin umdeilda Sundabraut Breyta eftirliti með hraða í Fáskrúðsfjarðargöngum Algengast að fólk láni eða fái lánuð verkja- og róandi lyf Skjálfti upp á 4,0 í Bárðarbungu „Ísland fyrst, svo allt hitt“ Flugnördar heims kveðja fegurstu flugvél Íslands Þakklátur og væntir góðs árangurs í kosningum í vor 430 sunnlenskir grunnskólakennarar funduðu á Flúðum Flóðgáttir þurfi að opnast í Gasa Oddvitinn ætlar ekki aftur fram Nýr varaformaður, bílalestir á Gasa og síðasta flugferðin Sjá meira
Vonar að útbreidd smit veiti góða vörn fyrir nýjum afbrigðum Þórólfur Guðnason sóttvarnalæknir hefur lagt til að öllum sóttvarnaaðgerðum sem eru í gildi innanlands verði búið að aflétta um miðjan marsmánuð. Hann segir að mikilvægt sé að taka smá skref í afléttingum svo ekki komi of stórt bakslag. 28. janúar 2022 13:20
Fimmtíu mega koma saman á miðnætti og stefna á að aflétta öllu í mars Fimmtíu mega koma saman á miðnætti og eins metra nándarregla tekur jafnframt gildi. Krár og skemmtistaðir mega opna að nýju og opnunartími þeirra og annarra veitingastaða verður lengdur til 23. 28. janúar 2022 11:38