Útlit fyrir myndarlegan hagvöxt, hjaðnandi verðbólgu og hærri stýrivexti Eiður Þór Árnason skrifar 26. janúar 2022 05:00 Spáð er 4,7% hagvexti árið 2022 samhliða viðskiptaafgangi, minnkandi atvinnuleysi og gengisstyrkingu krónunnar. Vísir/Vilhelm Útlit er fyrir myndarlegan hagvöxt út árið 2024 og hægt hjaðnandi verðbólgu á þessu ári að mati Greiningar Íslandsbanka sem spáir 4,7% hagvexti árið 2022. Gert er ráð fyrir að stýrivextir verði komnir í 3,25% í lok þessa árs og 4,0% í byrjun 2024. Þeir eru nú 2,0% og hækkuðu um 1,25 prósentustig á seinasta ári. Samkvæmt nýrri Þjóðhagsspá Íslandsbanka verður hagvöxturinn að mestu drifinn áfram af þróttmiklum vexti útflutnings, sér í lagi ferðaþjónustu og sjávarútvegs. Aukinn einkaneysla ýtir einnig undir hagvöxt í ár en 3,2% hagvexti er spáð á næsta ári og 2,6% árið 2024. Áætlað er að hagvöxtur hafi verði 4,1% á síðasta ári en 6,5% efnahagssamdráttur mældist árið 2020. Fram kemur í spánni að talsverð óvissa verði áfram um framgang heimsfaraldursins á komandi misserum en áætlað er að 1,1 til 1,2 milljónir ferðamanna komi til landsins á þessu ári samanborið við tæplega 700 þúsund á nýliðnu ári. Gangi spáin eftir mun svipaður fjöldi sækja landið í ár og 2015 en um er að ræða ríflega 40% færri ferðamenn en árið 2019. Gert er ráð fyrir 1,5 milljónum ferðamanna á næsta ári og 1,7 árið 2024. Telur Greining Íslandsbanka útlit fyrir að framtíð íslenskrar ferðaþjónustu sé björt þrátt fyrir tímabundið bakslag, meðal annars í ljósi þess að margir telji hægt að ferðast hér án mikillar nándar við annað fólk. Spá áframhaldandi hækkunum á íbúðamarkaði Fram kemur í Þjóðhagsspánni að væntingar stjórnenda fyrirtækja um komandi aðstæður í efnahagslífinu hafi hækkað mikið undanfarna ársfjórðunga og náð sögulegu hámarki um mitt síðasta ár. Taldi drjúgur meirihluti stjórnendanna aðstæður góðar í lok síðasta árs þrátt fyrir vöxt í faraldrinum, samkvæmt könnun Gallup fyrir Seðlabankann og Samtök atvinnulífsins. Að sögn Greiningar Íslandsbanka er allsterk fylgni milli væntinga stjórnenda og vaxtar eða samdráttar í fjárfestingu atvinnuvega. Útbreidd bjartsýni sé því góð vísbending um hátt fjárfestingastig í atvinnulífinu á næstu misserum. Talið er að framboð á nýjum íbúðum muni brátt taka við sér. Vísir/Vilhelm Umsvif á íbúðamarkaði voru með mesta móti á nýliðnu ári og hækkaði verð á sérbýli á höfuðborgarsvæðinu um 18%, íbúðir um 15% og verð á landsbyggðinni um 16,5%. Lítið framboð er nú á markaði og hefur tekið að hægja á veltu á markaðnum og fjölda þinglýstra kaupsamninga. Sölutími er mjög stuttur og enn eru margar íbúðir að seljast yfir ásettu verði. Samkvæmt Þjóðhagsspá Íslandsbanka eru forsendur fyrir því að íbúðaverð haldi áfram að hækka á þessu ári en að hækkunartakturinn taki að róast með hækkun stýrivaxta og auknu framboði af íbúðum þegar líður á árið. Því er spáð að íbúðaverð hækki að nafnvirði um tæp 8% á þessu ári, 3,5% árið 2023 og 2,9 árið 2024 þegar jafnvægi myndast á íbúðamarkaði. Atvinnuleysi haldi áfram að hjaðna Atvinnuleysi hjaðnaði hratt á síðasta ári og mældist mest 11,6% af vinnuafli að undanskildu starfsfólki í hlutabótaleiðinni. Það var komið niður í 4,9% í lok ársins. Greining Íslandsbanka spáir því að atvinnuleysi hjaðni í átt að nýju jafnvægi á næstu misserum og verði að jafnaði 3,7% árið 2023 og 3,6% árið 2024. Þar með verður það á svipuðum stað og árið 2019. Fram kemur í Þjóðhagsspánni að nær 40% stjórnenda sem svöruðu nýlegri könnun Gallup fyrir Seðlabankann og Samtök atvinnulífsins telji vera skort á starfsfólki hjá sínu fyrirtæki. Seðlabankinn dró jafnt og þétt úr inngripum á gjaldeyrismarkaði eftir því sem leið á seinasta ár.Vísir/Vilhelm Gengi krónunnar styrktist um tæp 3% á seinasta ári en styrkingin sást á fyrri helmingi ársins. Telur Greining Íslandsbanka að gengi muni hækka á ný með tímanum þó einhver töf verði líklega á styrkingu krónunnar næstu mánuðina. „Ógerningur er að segja til um hversu hröð styrkingin verður og hvenær hún raungerist en í spánni er gert ráð fyrir að krónan verði 8-9% sterkari í lok spátímans [árið 2024] en hún var í ársbyrjun 2022,“ segir í Þjóðhagsspánni. Gangi það eftir verður raungengið miðað við hlutfallslegt verðlag svipað og á árinu 2018. Verðbólga 4,3% að jafnaði á þessu ári Samhliða þessu eru horfur sagðar á að verðbólga hjaðni jafnt og þétt á þessu ári bæði hérlendis og erlendis. Samkvæmt spá bankans mun verðbólga áfram vera nokkuð yfir 4% fráviksmörkum Seðlabankans megnið af þessu ári og mælast 4,3% að jafnaði árið 2022. Verðbólga verði í kjölfarið við 2,5% markmið Seðlabankans fyrri hluta árs 2023 og verði að jafnaði 2,7% árið 2024. Greining Íslandsbanka spáir því að stýrivextir hækki áfram og verði komnir í 3,25% í lok þess árs. Í kjölfarið er gert ráð fyrir nokkuð hægari hækkunartakti og að stýrivextirnir verði komnir í 4,0% í ársbyrjun 2024. Er það nærri jafnvægisgildi þeirra að mati bankans. Efnahagsmál Íslenska krónan Verðlag Fasteignamarkaður Íslenskir bankar Faraldur kórónuveiru (COVID-19) Ferðamennska á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf „Gátum ekki setið og beðið endalaust“ Neytendur Algjör óvissa með Dragon Dim Sum Viðskipti innlent Merkum áfanga fagnað í verslun BYKO á Selfossi Samstarf Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf Vilja koma fleirum en Kynnisferðum inn í BSÍ Viðskipti innlent Ingu Tinnu hjá Dineout gjörsamlega ofboðið Viðskipti innlent Há laun og dýr bjór séu vandamál ÁTVR Viðskipti innlent Landsbankinn telur skilmála sína nógu skýra Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira
Samkvæmt nýrri Þjóðhagsspá Íslandsbanka verður hagvöxturinn að mestu drifinn áfram af þróttmiklum vexti útflutnings, sér í lagi ferðaþjónustu og sjávarútvegs. Aukinn einkaneysla ýtir einnig undir hagvöxt í ár en 3,2% hagvexti er spáð á næsta ári og 2,6% árið 2024. Áætlað er að hagvöxtur hafi verði 4,1% á síðasta ári en 6,5% efnahagssamdráttur mældist árið 2020. Fram kemur í spánni að talsverð óvissa verði áfram um framgang heimsfaraldursins á komandi misserum en áætlað er að 1,1 til 1,2 milljónir ferðamanna komi til landsins á þessu ári samanborið við tæplega 700 þúsund á nýliðnu ári. Gangi spáin eftir mun svipaður fjöldi sækja landið í ár og 2015 en um er að ræða ríflega 40% færri ferðamenn en árið 2019. Gert er ráð fyrir 1,5 milljónum ferðamanna á næsta ári og 1,7 árið 2024. Telur Greining Íslandsbanka útlit fyrir að framtíð íslenskrar ferðaþjónustu sé björt þrátt fyrir tímabundið bakslag, meðal annars í ljósi þess að margir telji hægt að ferðast hér án mikillar nándar við annað fólk. Spá áframhaldandi hækkunum á íbúðamarkaði Fram kemur í Þjóðhagsspánni að væntingar stjórnenda fyrirtækja um komandi aðstæður í efnahagslífinu hafi hækkað mikið undanfarna ársfjórðunga og náð sögulegu hámarki um mitt síðasta ár. Taldi drjúgur meirihluti stjórnendanna aðstæður góðar í lok síðasta árs þrátt fyrir vöxt í faraldrinum, samkvæmt könnun Gallup fyrir Seðlabankann og Samtök atvinnulífsins. Að sögn Greiningar Íslandsbanka er allsterk fylgni milli væntinga stjórnenda og vaxtar eða samdráttar í fjárfestingu atvinnuvega. Útbreidd bjartsýni sé því góð vísbending um hátt fjárfestingastig í atvinnulífinu á næstu misserum. Talið er að framboð á nýjum íbúðum muni brátt taka við sér. Vísir/Vilhelm Umsvif á íbúðamarkaði voru með mesta móti á nýliðnu ári og hækkaði verð á sérbýli á höfuðborgarsvæðinu um 18%, íbúðir um 15% og verð á landsbyggðinni um 16,5%. Lítið framboð er nú á markaði og hefur tekið að hægja á veltu á markaðnum og fjölda þinglýstra kaupsamninga. Sölutími er mjög stuttur og enn eru margar íbúðir að seljast yfir ásettu verði. Samkvæmt Þjóðhagsspá Íslandsbanka eru forsendur fyrir því að íbúðaverð haldi áfram að hækka á þessu ári en að hækkunartakturinn taki að róast með hækkun stýrivaxta og auknu framboði af íbúðum þegar líður á árið. Því er spáð að íbúðaverð hækki að nafnvirði um tæp 8% á þessu ári, 3,5% árið 2023 og 2,9 árið 2024 þegar jafnvægi myndast á íbúðamarkaði. Atvinnuleysi haldi áfram að hjaðna Atvinnuleysi hjaðnaði hratt á síðasta ári og mældist mest 11,6% af vinnuafli að undanskildu starfsfólki í hlutabótaleiðinni. Það var komið niður í 4,9% í lok ársins. Greining Íslandsbanka spáir því að atvinnuleysi hjaðni í átt að nýju jafnvægi á næstu misserum og verði að jafnaði 3,7% árið 2023 og 3,6% árið 2024. Þar með verður það á svipuðum stað og árið 2019. Fram kemur í Þjóðhagsspánni að nær 40% stjórnenda sem svöruðu nýlegri könnun Gallup fyrir Seðlabankann og Samtök atvinnulífsins telji vera skort á starfsfólki hjá sínu fyrirtæki. Seðlabankinn dró jafnt og þétt úr inngripum á gjaldeyrismarkaði eftir því sem leið á seinasta ár.Vísir/Vilhelm Gengi krónunnar styrktist um tæp 3% á seinasta ári en styrkingin sást á fyrri helmingi ársins. Telur Greining Íslandsbanka að gengi muni hækka á ný með tímanum þó einhver töf verði líklega á styrkingu krónunnar næstu mánuðina. „Ógerningur er að segja til um hversu hröð styrkingin verður og hvenær hún raungerist en í spánni er gert ráð fyrir að krónan verði 8-9% sterkari í lok spátímans [árið 2024] en hún var í ársbyrjun 2022,“ segir í Þjóðhagsspánni. Gangi það eftir verður raungengið miðað við hlutfallslegt verðlag svipað og á árinu 2018. Verðbólga 4,3% að jafnaði á þessu ári Samhliða þessu eru horfur sagðar á að verðbólga hjaðni jafnt og þétt á þessu ári bæði hérlendis og erlendis. Samkvæmt spá bankans mun verðbólga áfram vera nokkuð yfir 4% fráviksmörkum Seðlabankans megnið af þessu ári og mælast 4,3% að jafnaði árið 2022. Verðbólga verði í kjölfarið við 2,5% markmið Seðlabankans fyrri hluta árs 2023 og verði að jafnaði 2,7% árið 2024. Greining Íslandsbanka spáir því að stýrivextir hækki áfram og verði komnir í 3,25% í lok þess árs. Í kjölfarið er gert ráð fyrir nokkuð hægari hækkunartakti og að stýrivextirnir verði komnir í 4,0% í ársbyrjun 2024. Er það nærri jafnvægisgildi þeirra að mati bankans.
Efnahagsmál Íslenska krónan Verðlag Fasteignamarkaður Íslenskir bankar Faraldur kórónuveiru (COVID-19) Ferðamennska á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf „Gátum ekki setið og beðið endalaust“ Neytendur Algjör óvissa með Dragon Dim Sum Viðskipti innlent Merkum áfanga fagnað í verslun BYKO á Selfossi Samstarf Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf Vilja koma fleirum en Kynnisferðum inn í BSÍ Viðskipti innlent Ingu Tinnu hjá Dineout gjörsamlega ofboðið Viðskipti innlent Há laun og dýr bjór séu vandamál ÁTVR Viðskipti innlent Landsbankinn telur skilmála sína nógu skýra Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira