Bílar

Eintak af Tesla Cybertruck hefur verið smíðað

Kristinn Ásgeir Gylfason skrifar
Skjáskot úr myndbandinu, þar sem sjá má rúðuþurrkublaðið.
Skjáskot úr myndbandinu, þar sem sjá má rúðuþurrkublaðið.

Tesla hefur smíðað Cybertruck og allar efasemdaraddir þurfa því að draga í land um það að Cybertruck yrði aldrei smíðaður. Myndband af bílnum var birt á Youtube-rás Cybertruck eigendaklúbbsins.

Drónamyndband frá því í desember sýnir einkar langt rúðuþurrkublað á því sem á að vera frumgerðareintak á myndbandinu.

Elon Musk, framkvæmdastjóri Tesla hefur sagt að langa þurrkublaðið sé ekki eins og hann vilji hafa það og að hann vilji leita leiða til að geyma það í fram-skottinu (frunk-inu) þannig það sjáist ekki þegar það er ekki í notkun.

Myndbandið frá Cybertruck eigendaklúbbnum má finna hér að neðan. Skýrt er tekið fram að ekki er endilega um endanlega útfærslu að ræða.

Svo virðist sem lausn hafi ekki fundist sem gat virkað, það væri óheppilegt ef hólf fyrir þurrkublaðið í frunk-inu myndi frjósa fast eða bila og gera bílinn ónothæfan.

Felgunum hefur verið breytt, þær eru ólíkar þeim sem voru á frumgerðinni, sem hafði stóra plasthjólkoppa. Þessar felgur virðast vera af Model 3 eða Model Y.

Þá virðist sem Cybertruck hafi enga hurðarhandföng. Hann er hins vegar með hliðarspegla sem er breyting frá frumgerðinni. Þar koma reglugerðir til sögunnar sem gera kröfu um spegla. Hvort þeir þurfi að vera svona stórir er eitthvað sem verður ekki svarað hér.

Cybertruck átti að skila sér til fyrstu kaupenda á þessu ári en hefur nú verið frestað til upphafs árs 2023.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.