Það fjölgar um einn á gjörgæslu með Covid-19 á milli daga.Vísir/Vilhelm
35 sjúklingar liggja á Landspítala með Covid-19 og hefur þeim því fækkað um tvö á milli daga. Fjórir eru á gjörgæslu. Starfsmönnum spítalans í einangrun hefur fjölgað mikið um helgina.
Á vef Landspítalans segir að af þessum fjórum sem eru á gjörgæslu séu þrír í öndunarvél.
9.117 sjúklingar eru í Covid-göngudeild spítalans, þar af 3.275 barn. Í gær var staðan sú að 9.130 sjúklingar voru í Covid-göngudeild spítalans, þar af 3.221 börn.
200 starfsmenn Landspítala eru nú einangrun, samanborið við 187 í gær. Hefur þeim fjölgað um 35 um helgina en á föstudag voru 165 starfsmenn í einangrun. Sjaldan hafa fleiri starfsmenn spítalans verið í einangrun, frá upphafi faraldursins en þann 5. og 6. janúar síðastliðinn voru 207 starfsmenn spítalans í einangrun.
Í gær greindust 1.252 með Covid-19, þar af voru 54 sem greindust sem landamærasmit. Innanlandssmit voru því 1.198. Alls voru 715 í sóttkví.
Heilbrigðisyfirvöld skoða nú, í samráði við sóttvarnalækni, allar mögulegar afléttingar með hliðsjón af skynsemi og öryggi.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
