Erlent

Óttast að tugir séu látnir: Flutninga­bíll og mótor­hjól skullu saman

Viktor Örn Ásgeirsson skrifar
Talið er að minnsta kosti fimm hundruð hús hafi eyðilagst í sprenginunni.
Talið er að minnsta kosti fimm hundruð hús hafi eyðilagst í sprenginunni. Twitter/BNO

Talið er að tugir hafi látist þegar flutningabíll sprakk í loft upp í Gana í Vestur-Afríku fyrr í dag. Í bílnum voru sprengiefni sem nota átti við námugröft.

Atvikið átti sér stað þegar flutningabíllinn og mótorhjól skullu saman í Apiate nálægt borginni Bogoso í Suðvestur-Gana. Fjölmiðlar ytra hafa birt myndir og myndskeið af vettvangi.

Tala látinna er enn ókunn en hundruðir húsa urðu sprengingunni að bráð. Nana Akufo-Addo, forseti Gana, sagði í yfirlýsingu á Twitter að slysið væri einfaldlega hörmulegt og veitir aðstandendum samúð.

Björgunarstarf stendur enn yfir og íbúar hafa verið beðnir um að leita skjóls í nærliggjandi þorpum. The Guardian greinir frá.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.