Innlent

Gat á sjó­kví í Reyðar­firði

Eiður Þór Árnason skrifar
Búið er að gera við gatið. 
Búið er að gera við gatið.  Laxar fiskeldi

Gat var á nótarpoka einnar sjókvíar Laxa fiskeldis við Vattarnes í Reyðarfirði. Fyrirtækið tilkynnti Matvælastofnun um þetta í dag en gatið uppgötvaðist við reglubundið eftirlit með kvíum á stöðinni.

Virkjaði Laxa strax viðbragðáætlun sína og er viðgerð nú lokið, að því er fram kemur í tilkynningu frá Matvælastofnun. Samkvæmt upplýsingum frá Laxa var gatið á um sjö metra dýpi og reyndist vera um það bil 50 sinnum 15 sentímetrar að stærð. Í þessari tilteknu kví eru um 145 þúsund laxar að meðalþyngd 2,6 kílógrömm.

Að sögn Matvælastofnunar lögðu Laxar út net í takt við viðbragsáætlun sína og tilkynntu Matvælastofnun, Fiskistofu og Fjarðarbyggð strax um atburðinn. Netanna verður vitjað í fyrramálið og er starfsmaður Matvælastofnunar sagður vera á svæðinu. Sá hefur skoðað viðbrögð fyrirtækisins og hafið rannsókn á málinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.