Svindlaði sér inn í Gettu betur lið annars skóla Óttar Kolbeinsson Proppé skrifar 16. janúar 2022 23:00 Degi segist einfaldlega hafa leiðst heima þegar hann sá hlekk á skráningu í Gettu betur lið FMOS. vísir/vilhelm/aðsend Endurkoma Framhaldsskólans í Mosfellsbæ (FMOS) í spurningakeppni framhaldsskólanna, Gettu betur, fór ekki beint vel af stað síðasta fimmtudagskvöld. Skólinn grúttapaði þar fyrir Menntaskólanum á Egilsstöðum en ekki nóg með það heldur játaði einn liðsmaður liðsins eftir keppnina að hann væri alls ekki nemandi í FMOS heldur Kvennó. Umsjónarmaður keppninnar segir að Ríkisútvarpið sé meðvitað um málið og bíði eftir að heyra skýringar FMOS á því. „Við biðjum náttúrulega skólana sjálfa að velja alla sína keppendur af kostgæfni. Það er ekki eins og við liggjum yfir upplýsingum um alla keppendurna áður en við hleypum þeim inn,“ segir Ragnar Eyþórsson, umsjónarmaður Gettu betur. Ragnar Eyþórsson pródúsent hjá RÚV.vísir/vilhelm Leiddist heima og ákvað að skrá sig Það var Dagur Steinn Arnarsson, Kvenskælingur á þriðja ári, sem sigldi þarna undir fölsku flaggi. „Mér leiddist bara heima einhvern tíma núna í byrjun árs þegar ég sá að FMOS væri að leita að nemendum til að taka þátt í Gettu betur. Þar var einhver hlekkur til að skrá sig og ég ákvað bara í einhverju gríni að skrá mig þar,“ segir Dagur Steinn í samtali við Vísi í kvöld. Hann hafi síðan steingleymt þessu þangað til hann fékk allt í einu póst frá skólanum með upplýsingum um hvert og hvenær hann ætti að mæta á fund með liðinu – hann væri kominn inn. „Ég held að þau hafi verið í algjörum vandræðum með að finna einhvern í liðið,“ segir hann. „Ég fór ekki einu sinni í prufur eða neitt. Skráði mig bara og var kominn inn.“ Dagur er á þriðja og síðasta ári í Kvennó. Hann var staðráðinn í að sigra Gettu betur fyrir FMOS.aðsend Í kjölfarið hafi hann látið vin sinn í FMOS vita af þessu uppátæki sínu og þeir hafi í sameiningu ákveðið að taka grínið alla leið. Vinurinn hafði þá samband við þá sem sáu um Gettu betur mál FMOS og spurði hvort hann mætti ekki þjálfa liðið. Því var tekið vel og þeir félagarnir nú orðnir tveir í gríninu; annar sem liðsmaður en hinn sem þjálfari liðsins. Stuttu fyrir keppni hafi enn vantað þriðja liðsmann fyrir liðið og þjálfarinn, vinur Dags Steins, þá beðinn um að hlaupa í skarðið og taka þátt sem hann og gerði. „Þegar ég mætti á æfingar og svona létum við eins og við þekktumst ekkert,“ segir Dagur Steinn. Þannig hafi enginn annar í liðinu eða í FMOS vitað af því að hann væri í raun Kvenskælingur. „Þau spurðu mig aldrei neitt um það í hvaða bekk ég væri eða neitt,“ segir hann. Þeir félagar tóku einhvern hluta ferlisins upp og birtu stutta sögu af því á Twitter: Í dag fórum við í sögubækurnar.@DagurStone hvenno maðurinn@kristjanaarnars meistari pic.twitter.com/wXk5YGsgUF— Ingólfur Arnoddsson (@IngolfurArn) January 13, 2022 Hefði viljað fara í sjónvarpið Þegar síðan kom loks að fyrstu keppninni síðasta fimmtudag var liðið sérlega illa undirbúið, búið að æfa lítið og lítill áhugi fyrir þátttökunni almennt í skólanum, sem hefur ekki oft áður tekið þátt í Gettu betur og var til dæmis ekki með í keppninni síðast. „Ég var samt staðráðinn í að vinna. Ég vildi sjá hvað við kæmumst langt með þetta og fyndnast hefði auðvitað verið að komast í sjónvarpið,“ segir Dagur Steinn en til þess hefði liðið þurft að sigra síðustu keppni í 32 liða úrslitum og næstu umferð 16 liða úrslita, sem báðar fara fram í útvarpinu á Rás 2. „Á leiðinni upp í Efstaleiti keyrðum við síðan fram hjá stórum dauðum fugli, ég veit ekki hvernig fugl þetta var, en það var fyrsti fyrirboðinn að tapinu,“ segir Dagur Steinn en liðið grúttapaði í 32 liða úrslitunum gegn Menntaskólanum á Egilsstöðum. Hér má hlusta á keppnina á vef Ríkisútvarpsins. „Ég held að staðan hafi verið 14 – 2 og ég vissi nú snemma að þetta væri búið,“ segir Dagur Steinn sem vill sem minnst rifja upp um það tap. Á leið heim eftir keppnina hafi hann síðan svipt af sér hulunni og játað fyrir liðsfélögum sínum að hann væri alls ekki í FMOS heldur Kvenskælingur. Þau hafi tekið nokkuð vel í þetta og þótt uppátækið skondið. Ragnar Eyþórsson, umsjónarmaður keppninnar er þó afar sáttur með að FMOS hafi tapað. „Við erum bara glöð að liðið sem tefldi fram röngum leikmanni hafi tapað því þá hefur þetta ekki haft áhrif á framgang keppninnar. Það er náttúrulega þannig að svindl þýðir tap og ef þau hefðu unnið hefði þurft að dæma þann sigur ógildan. En þetta hefur ekki nein áhrif á framhaldið,“ segir hann. Uppfært: Upprunalega stóð að þetta væri í fyrsta skipti sem FMOS tæki þátt í keppninni. Það er ekki rétt, skólinn hefur tekið þátt nokkrum sinnum áður en var ekki með í fyrra. Framhaldsskólar Ríkisútvarpið Mosfellsbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta er að verða komið gott“ Innlent Enn mikið sjónarspil á gosstöðvunum Innlent Bankasýslan kom af fjöllum þegar tilkynnt var um kaupin Innlent Eldgosið hagi sér öðruvísi og gæti varað lengur Innlent Lýsir yfir vonbrigðum og krefst frestunar aðalfundar Innlent Árekstur við Kaplakrika Innlent Jakob Reynir Aftur reynir aftur Innlent Bankastjóri segir það hennar hlutverk að reka Landsbankann Innlent Virkni gossins enn stöðug og hætta enn talin mikil Innlent Stefán Ingimar neitar að koma til landsins Innlent Fleiri fréttir „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Segir Ómar hafa hótað pari málsókn vegna viðtals Sakar leigjanda sinn um blekkingar en vill grafa stríðsöxina Sundhnúkareinin gæti verið á leið í mjög langt frí Festist í dekkjarólu á Völlunum Vísbendingar um að kvikusöfnun sé hafin á ný Sjá meira
Umsjónarmaður keppninnar segir að Ríkisútvarpið sé meðvitað um málið og bíði eftir að heyra skýringar FMOS á því. „Við biðjum náttúrulega skólana sjálfa að velja alla sína keppendur af kostgæfni. Það er ekki eins og við liggjum yfir upplýsingum um alla keppendurna áður en við hleypum þeim inn,“ segir Ragnar Eyþórsson, umsjónarmaður Gettu betur. Ragnar Eyþórsson pródúsent hjá RÚV.vísir/vilhelm Leiddist heima og ákvað að skrá sig Það var Dagur Steinn Arnarsson, Kvenskælingur á þriðja ári, sem sigldi þarna undir fölsku flaggi. „Mér leiddist bara heima einhvern tíma núna í byrjun árs þegar ég sá að FMOS væri að leita að nemendum til að taka þátt í Gettu betur. Þar var einhver hlekkur til að skrá sig og ég ákvað bara í einhverju gríni að skrá mig þar,“ segir Dagur Steinn í samtali við Vísi í kvöld. Hann hafi síðan steingleymt þessu þangað til hann fékk allt í einu póst frá skólanum með upplýsingum um hvert og hvenær hann ætti að mæta á fund með liðinu – hann væri kominn inn. „Ég held að þau hafi verið í algjörum vandræðum með að finna einhvern í liðið,“ segir hann. „Ég fór ekki einu sinni í prufur eða neitt. Skráði mig bara og var kominn inn.“ Dagur er á þriðja og síðasta ári í Kvennó. Hann var staðráðinn í að sigra Gettu betur fyrir FMOS.aðsend Í kjölfarið hafi hann látið vin sinn í FMOS vita af þessu uppátæki sínu og þeir hafi í sameiningu ákveðið að taka grínið alla leið. Vinurinn hafði þá samband við þá sem sáu um Gettu betur mál FMOS og spurði hvort hann mætti ekki þjálfa liðið. Því var tekið vel og þeir félagarnir nú orðnir tveir í gríninu; annar sem liðsmaður en hinn sem þjálfari liðsins. Stuttu fyrir keppni hafi enn vantað þriðja liðsmann fyrir liðið og þjálfarinn, vinur Dags Steins, þá beðinn um að hlaupa í skarðið og taka þátt sem hann og gerði. „Þegar ég mætti á æfingar og svona létum við eins og við þekktumst ekkert,“ segir Dagur Steinn. Þannig hafi enginn annar í liðinu eða í FMOS vitað af því að hann væri í raun Kvenskælingur. „Þau spurðu mig aldrei neitt um það í hvaða bekk ég væri eða neitt,“ segir hann. Þeir félagar tóku einhvern hluta ferlisins upp og birtu stutta sögu af því á Twitter: Í dag fórum við í sögubækurnar.@DagurStone hvenno maðurinn@kristjanaarnars meistari pic.twitter.com/wXk5YGsgUF— Ingólfur Arnoddsson (@IngolfurArn) January 13, 2022 Hefði viljað fara í sjónvarpið Þegar síðan kom loks að fyrstu keppninni síðasta fimmtudag var liðið sérlega illa undirbúið, búið að æfa lítið og lítill áhugi fyrir þátttökunni almennt í skólanum, sem hefur ekki oft áður tekið þátt í Gettu betur og var til dæmis ekki með í keppninni síðast. „Ég var samt staðráðinn í að vinna. Ég vildi sjá hvað við kæmumst langt með þetta og fyndnast hefði auðvitað verið að komast í sjónvarpið,“ segir Dagur Steinn en til þess hefði liðið þurft að sigra síðustu keppni í 32 liða úrslitum og næstu umferð 16 liða úrslita, sem báðar fara fram í útvarpinu á Rás 2. „Á leiðinni upp í Efstaleiti keyrðum við síðan fram hjá stórum dauðum fugli, ég veit ekki hvernig fugl þetta var, en það var fyrsti fyrirboðinn að tapinu,“ segir Dagur Steinn en liðið grúttapaði í 32 liða úrslitunum gegn Menntaskólanum á Egilsstöðum. Hér má hlusta á keppnina á vef Ríkisútvarpsins. „Ég held að staðan hafi verið 14 – 2 og ég vissi nú snemma að þetta væri búið,“ segir Dagur Steinn sem vill sem minnst rifja upp um það tap. Á leið heim eftir keppnina hafi hann síðan svipt af sér hulunni og játað fyrir liðsfélögum sínum að hann væri alls ekki í FMOS heldur Kvenskælingur. Þau hafi tekið nokkuð vel í þetta og þótt uppátækið skondið. Ragnar Eyþórsson, umsjónarmaður keppninnar er þó afar sáttur með að FMOS hafi tapað. „Við erum bara glöð að liðið sem tefldi fram röngum leikmanni hafi tapað því þá hefur þetta ekki haft áhrif á framgang keppninnar. Það er náttúrulega þannig að svindl þýðir tap og ef þau hefðu unnið hefði þurft að dæma þann sigur ógildan. En þetta hefur ekki nein áhrif á framhaldið,“ segir hann. Uppfært: Upprunalega stóð að þetta væri í fyrsta skipti sem FMOS tæki þátt í keppninni. Það er ekki rétt, skólinn hefur tekið þátt nokkrum sinnum áður en var ekki með í fyrra.
Framhaldsskólar Ríkisútvarpið Mosfellsbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta er að verða komið gott“ Innlent Enn mikið sjónarspil á gosstöðvunum Innlent Bankasýslan kom af fjöllum þegar tilkynnt var um kaupin Innlent Eldgosið hagi sér öðruvísi og gæti varað lengur Innlent Lýsir yfir vonbrigðum og krefst frestunar aðalfundar Innlent Árekstur við Kaplakrika Innlent Jakob Reynir Aftur reynir aftur Innlent Bankastjóri segir það hennar hlutverk að reka Landsbankann Innlent Virkni gossins enn stöðug og hætta enn talin mikil Innlent Stefán Ingimar neitar að koma til landsins Innlent Fleiri fréttir „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Segir Ómar hafa hótað pari málsókn vegna viðtals Sakar leigjanda sinn um blekkingar en vill grafa stríðsöxina Sundhnúkareinin gæti verið á leið í mjög langt frí Festist í dekkjarólu á Völlunum Vísbendingar um að kvikusöfnun sé hafin á ný Sjá meira