Kvöldfréttir Stöðvar 2

Hallgerður Kolbrún E. Jónsdóttir skrifar 11. janúar 2022 18:01

Telma Lucinda Tómasson fréttaþulur fréttamaður Foto: Fréttaþulir kvöldfrétta

Neyðarástandi almannavarna var lýst yfir síðdegis í dag vegna stöðu faraldursins hér á landi. Ráðamenn segja tvo erfiða mánuði framundan og sóttvarnalæknir er harðorður og segir að óbreyttu stefna í algjört neyðarástand í heilbrigðiskerfinu.

Hann segir að búast megi við yfir þúsund smitum á dag út mánuðinn sem Landspítalinn segist engan veginn ráða við. Við ræðum við Víði Reynisson, yfirlögregluþjón almannavarna, í kvöldfréttum Stöðvar 2 um stöðuna.

Þá ræðum við við Katrínu Jakobsdóttur forsætisráðherra um umtalaðasta mál síðustu daga, meint kynferðisbrot valdamikilla manna og afleiðingar þess. Hún telur að réttarkerfið þurfi að þróast í takt við þá miklu samfélagslegu umbreytingu sem nú eigi sér stað í málaflokknum.

Við förum einnig inn í heim læknavísinda og segjum frá rannsókn Íslenskrar erfðagreiningar sem leitar eftir mótefni við kórónuveirunni hjá um 1000 manns og spjöllum við hjartalækninn þekkta Tómas Guðbjartsson, sem ætlar að uppýsa okkur um tímamóta skurðaðgerð í Bandaríkjunum þar sem svínshjarta var grætt í mann.

Þetta og margt fleira í kvöldfréttum Stöðvar 2 klukkan 18:30.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.