Innlent

Skjálfti að stærð 3,1 fannst í Húsafelli

Tryggvi Páll Tryggvason skrifar
Frá Húsafelli
Frá Húsafelli Vísir/Arnar

Jarðskjálfti af stærð 3,1 varð á tíunda tímanum í morgun, átján kílómetra suðvestur af Húsafelli og fannst þar.

Nokkur jarðskjálftavirkni hefur verið á svæðinu síðan um áramót að því er fram kemur á vef Veðurstofunnar.

Í fyrrinótt varð einnig skjálfti af sömu stærð í Vatnafjöllum.

Þar varð snörp jarðskjálftahrina um miðjan nóvember 2021 þar sem stærsti skjálftinn mældist 5,1 að stærð.

Nokkuð hefur dregið úr jarðskjálftavirkni á milli vikna en í síðustu viku mældust tæplega 900 skjálftar með sjálfvirku jarðskjálftamælikerfi Veðurstofunnar. Vikuna þar á undan mældust 4.700 skjálftar með sama kerfi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.