Erlent

Tvö hundruð ó­­breyttir borgarar myrtir í Nígeríu

Viktor Örn Ásgeirsson skrifar
Muhammadu Buhari forseti Nígeríu fordæmir árásir á óbreytta borgara.
Muhammadu Buhari forseti Nígeríu fordæmir árásir á óbreytta borgara. Getty/Angelillo

Að minnsta kosti tvö hundruð almennir borgarar hafa verið myrtir af glæpagengjum í Nígeríu í vikunni. Árásir glæpagengjanna eru sagðar vera í hefndarskyni.

Byssumenn réðust inn í hverfi í norðvesturhluta Zamfara ríkis í Nígeríu og skutu á hvern sem á vegi þeirra varð. Vígamennirnir kveiktu í húsum borgara og limlestu lík látinna í árásunum.

Fjölmiðlar þar í landi telja að um hefndaraðgerðir sé að ræða eftir loftárás nígeríska hersins sem hröktu vígamenn úr frumskógum Zamfara-ríkis á brott. Muhammadu Buhari, forseti Nígeríu, segir að glæpamönnunum verði engin grið gefin.

„Stjórnvöld í Nígeríu munu leggja sig öll fram við að ná tökum á ástandinu. Árásirnar á óbreytta borgara eru örþrifaráð glæpagengja sem eru orðin örvæntingafull eftir loftárásir hersins,“ segir forsetinn.

Rúmlega hundrað vígamenn voru drepnir í loftárásum nígeríska hersins í vikunni og yfir fimm hundruð hafa fallið í árásum hersins síðan í fyrra. Breska ríkisútvarpið greinir frá.

Nígería Hernaður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið