Innlent

Lík­legt að tví­bólu­settir séu ó­lík­legri til að smitast af ó­míkron

Árni Sæberg skrifar
Þórólfur Guðnason sóttvarnalæknir.
Þórólfur Guðnason sóttvarnalæknir. Vísir/Vilhelm

Þórólfur Guðnason sóttvarnalæknir segir ákvörðun um breytingu á sóttkvíarreglum fyrir þríbólusetta vera tekna á grundvelli nýrrar rannsóknar sem sýni fram á að tvíbólusettir séu bæði ólíklegri til að smitast og smita aðra.

Í gær tók reglugerð heilbrigðisráðherra um breyttar reglur um sóttkví þeirra sem þegið hafa örvunarskammt bóluefnis. Nú mega þeir sækja skóla eða vinnu og sækja sér nauðsynlega þjónustu þrátt fyrir að hafa verið útsettir fyrir smiti.

Í nýjum pistli á Covid.is segir Þórólfur faglegar ástæður vera fyrir þessum breytingum. Hann segir nýbirta rannsókn í New England Journal of Medicine sýna fram á að tvíbólusettir séu bæði ólíklegri til að taka smit og smita aðra.

„Hér var um að ræða smit af völdum alfa og delta afbrigðis kórónaveirunnar en líklegt að það sama gildi um ómícron afbrigðið sérstaklega hjá þríbólusettum,“ segir sóttvarnalæknir.

Þá segir hann að allir sem eru útsettir fyrir smiti muni fá skilaboð frá rakningarteymi almannavarna með þessum nýju reglum. Þannig ber fólk sjálft ábyrgð á því að fylgja réttum reglum um sóttkví.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.