Innlent

Stór flutninga­bíll lokaði þjóð­veginum

Vésteinn Örn Pétursson skrifar
Bíllinn er fastur og þverar veginn.
Bíllinn er fastur og þverar veginn. Adolf Erlingsson

Stór flutningabíll þveraði þjóðveg 1 við Stöðvarfjörð á Austurlandi í kvöld. Búið er að losa bílinn og hleypa umferð af stað.

Leiðsögumaðurinn Adolf Erlingsson hafði samband við fréttastofu og lét vita af bílnum. 

Hann segir afar hvasst á svæðinu og því allar líkur til þess að aftari vagn bílsins hafi fokið, með þeim afleiðingum að hann lokaði veginum og festist.

Þegar bíllinn var losaður voru einhverjir ökumenn sem biðu þess að komast um veginn. Adolf segir þá þó ekki hafa verið marga.

„Það er sem betur fer ekki mikil umferð hérna. Það er lítil hreyfing á fólki, enda búið að vera lokað vegna veður,“ segir Adolf. Mikil hálka er á kaflanum þar sem bíllinn festist og einstaklega hvasst.

„Það er svo hvasst að bílarnir hjá okkur fuku til kyrrstæðir.“

Samkvæmt upplýsingum fréttastofu var mokstursvinnu þá ábótavant á vegkaflanum áður en veður tók að versna á svæðinu.

Fréttin var uppfærð klukkan 19:30.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.