Innlent

Kvöld­fréttir Stöðvar 2

Vésteinn Örn Pétursson skrifar
Sindri Sindrason verður með ykkur í fréttatíma kvöldsins.
Sindri Sindrason verður með ykkur í fréttatíma kvöldsins.

Á fimmta hundruð starfsmenn eru frá vinnu á leik- og grunnskólum í Reykjavík vegna faraldursins. Skólahald næstu daga raskast. Við tökum hús á áhyggjufullum skólastjórnendum og heyrum í barnamálaráðherra um stöðuna.

Áhugaverð staða er á Alþingi þar sem mikill meirihluti þingmanna Sjálfstæðisflokksins og Viðreisnar vill slaka á takmörkunum vegna vægari veikinda af völdum ómíkron-afbrigðisins. Þingflokksformaður Sjálfstæðisflokks skýrir sjónarmið meirihluta flokksins.

Óvíst er hvort Isavia afhendi Reykjavíkurborg flugvallarsvæði í vor til uppbyggingar nýs íbúðahverfis í Skerjafirði án frekari rannsókna. 

Þá heyrum við í landsmönnum um nýja árið en fjölmargir landsmenn strengja sér heit á nýju ári. Sumir ætla að vera betri vinir vina sinna en ekki síður betri við sjálfan sig.

Þetta og margt fleira á samtengdum rásum Stöðvar 2 og Bylgjunnar klukkan 18:30.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.