Starfsemi Vesturbæjarlaugar lömuð vegna faraldursins

Jakob Bjarnar skrifar 3. janúar 2022 13:56

Vesturbæjarlaug séð úr lofti í gegnum linsu Villa ljósmyndara. vísir/vilhelm

Vesturbæjarlaug lokar klukkan tvö í dag vegna mönnunarvanda.

Á vef Vesturbæjarlaugar segir að nú stefni allt í að loka þurfi lauginni klukkan 14 í dag, 3. janúar. Því miður. „Við opnum galvösk í fyrramálið á sama tíma og venjulega, 06:30. Við hlökkum til að sjá ykkur þá!“

Ekki kemur fram í tilkynningunni hver ástæðan er en við eftirgrennslan kemur á daginn að það er vegna mönnunarvanda.

„Það eru svo margir starfsmanna í ýmist einangrun eða sóttkví þannig að okkur hefur ekki tekist að manna nauðsynlegar stöður,“ segir sá starfsmaður sem fyrir svörum var í afgreiðslunni.

Að sögn starfsmanns eru fjórskiptar vaktir, fimm á vakt og er nú víðtæk sóttkví og einangrun vegna smita í samfélaginu farin að taka sinn toll þar sem víðar. Ekki hefur verið mikið að gera um hátíðirnar en þar eru samkvæmt reglugerð tveggja metra regla og aðeins leyfilegt að hleypa inn 75 prósentum gesta miðað við getu að öllu jöfnu.

Faraldur kórónuveiru (COVID-19) Samkomubann á Íslandi Sundlaugar Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.