839 greindust innan­lands

386 af þeim 838 sem greindust innanlands í gær voru í sóttkví við greiningu, eða 46 prósent. 454 voru utan sóttkvíar, eða 54 prósent.

Þetta kemur fram á síðunni covid.is. 6.368 eru nú í einangrun vegna Covid-19, samanborið við 5.534 í gær.. 7.768 eru nú í sóttkví, en voru 7.710 í gær. 499 eru nú í skimunarsóttkví.

21 sjúklingur liggur nú inni á sjúkrahúsi vegna COVID-19, en sami fjöldi og í gær. Sex eru á gjörgæslu, sami fjöldi og í gær.

87 greindust á landamærunum í gær – 86 virk smit í fyrri landamæraskimun og eitt í seinni landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 1.708,8, en var 1.526,6 í gær. Nýgengi á smiti á landamærum er nú 138,0, samanborið við 118,1 í gær.

Alls hafa 27.059 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 37 andlát verið rakin til COVID-19 hér á landi frá upphafi faraldursins.

Alls voru tekin 3.973 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1.202 sýni tekin á landamærunum eða í seinni landamæraskimun og 1.061í svokallaðri sóttkvíar- og handahófsskimun.