Golf

Tiger Woods og sonur hans eru rosalega líkir á golfvellinum

Óskar Ófeigur Jónsson skrifar
Tiger Woods fylgist hér með syni sínum Charlie Woods setja niður pútt á mótinu um helgina.
Tiger Woods fylgist hér með syni sínum Charlie Woods setja niður pútt á mótinu um helgina. AP/Scott Audette

PGA tók saman skemmtilegt myndband af Tiger Woods að fylgjast með hreyfingum og kækjum sonar síns en svo ótrúlega margt hjá stráknum er nánast eins og hjá honum sjálfum.

Tiger Woods og tólf ára sonur hans Charlie Axel Woods spiluðu saman á PNC mótinu um helgina og voru hársbreidd frá sigri á mótinu þrátt fyrir að Tiger sé nýkominn aftur inn á golfvöllinn eftir bílslysið í febrúar.

Þeir léku samtals á 25 höggum undir pari og voru tveimur höggum frá sigri. Um tíma náðu þeir ellefu fuglum í röð.

Tiger settist niður og fékk að sjá myndbandið með honum og Charlie. Hann gat ekki annað brosað af því þegar feðgar hreyfðu sig nánast alveg eins.

„Það er tvennt sem stendur upp úr og það er tímasetningin á snúningnum og hvernig við tökum upp tíið,“ sagði Tiger Woods. Hann benti líka á hvernig þeir strjúka á sér nefið.

„Við erum báðir með ofnæmi og erum stundum í vandræðum á golfvellinum þegar vindurinn blæs,“ sagði Tiger.

Það má sjá þá slá boltann, pútta og fagna góðum höggum. Það er nánast eins og um sama mann sé að ræða nema að það er vara lítil útgáfa af honum.

„Þetta er æðislegt,“ sagði Tiger brosandi eftir að hann hafði horft á myndbandið sem má sjá hér fyrir ofan.

Tiger sækist ekki eftir að vera þjálfari stráksins. „Ég er faðir hans en ekki þjálfari hans. Ef hann vill læra eitthvað um golf þá getur hann spurt mig. Ég get svarað þeim spurningum. Mitt starf sem hins vegar að vera pabbi hans og sjá til þess að hann sé með rétt hluti í forgangi. Ef hann vill spila þessa þá íþrótt þá verður það bara þannig,“ sagði Tiger.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.