Erlent

Elon Musk manneskja ársins hjá tíma­ritinu Time

Atli Ísleifsson skrifar
Elon Musk er nú ríkasti maður heims.
Elon Musk er nú ríkasti maður heims. Getty

Athafnamaðurinn og auðjöfurinn Elon Musk hefur verið valinn „manneskja ársins“ af bandaríska tímaritinu Time.

Musk er stofnandi og forstjóri Tesla og SpaceX og er hann sem stendur ríkasti maður heims en auðæfi hans eru nú metin á um 270 milljarða Bandaríkjadala.

Í rökstuðningi tímaritsins segir að fáir einstaklingar hafi jafnmikil áhrif á jörðinni og Musk og það sama eigi einnig mögulega við varðandi lífið utan jarðarinnar.

Tímaritið hefur valið manneskju ársins frá árinu 1927, en sá verður fyrir valinu sem talinn er hafa haft mest áhrif á fréttir ársins, sama hvort það sé til góðs eða ills.

Joe Biden, þá verðandi forseti Bandaríkjanna, og Kamala Harris, þá verðandi varaforseti, voru „manneskja ársins“ (Person of the Year) hjá Time á síðasta ári.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×