Innlent

Árásin gróf og litin alvarlegum augum

Kristín Ólafsdóttir skrifar
Árásin var gerð við Kringluna í gær.
Árásin var gerð við Kringluna í gær. Vísir/Vilhelm

Lögreglan á höfuðborgarsvæðinu lítur grófa líkamsárás ungmenna á annað ungmenni við Kringluna í gær mjög alvarlegum augum. Barefli virðist hafa verið beitt við árásina en þolandi fékk höfuðhögg og var fluttur talsvert slasaður á sjúkrahús, samkvæmt upplýsingum frá lögreglu.

Þolandi virðist hafa verið með öðrum þegar ráðist var á hann en hann er sá eini í hópnum sem slasaðist. Svo virðist sem árásarhópurinn hafi elt ungmennin í Kringluna og þá bendi fyrstu upplýsingar til þess að þau síðarnefndu hafi ekki átt von á að verða fyrir árás. Allir sem koma að málinu eru undir átján ára aldri.

Elín Agnes Kristínardóttir aðstoðaryfirlögregluþjónn hjá lögreglu á höfuðborgarsvæðinu segir í samtali við fréttastofu að ekki sé vitað með fullri vissu hversu margir hafi komið að árásinni. Vitni hafi verið að henni og öryggisverðir skorist í leikinn.

Nú hafi á stuttum tíma komið upp nokkur alvarleg mál þar sem ungmenni eiga í hlut, síðast á Álftanesi á föstudagskvöld þegar ráðist var á sextán ára pilta og þeir rændir. Það mál tengist ekki árásinni í Kringlunni en ekki hefur tekist að hafa hendur í hári gerenda. Elín segir að lögregla taki þessa þróun mjög alvarlega og vel verði skoðað hvort aukning hafi orðið í slíkum málum – og þá af hverju hún stafi.

Lögreglumál Reykjavík Kringlan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið