Flutninga­mál, blóð­mera­hald, orku­mál og plast í Sví­þjóð

Árni Stefán Árnason, lögfræðingur og sérfræðingur um dýravernd, fjallar um blóðmerahald sem hann telur alvarlegasta mál íslenskrar dýraverndunarsögu, hvorki meira né minna, og kunni að enda á borði lögreglunnar.

Halla Hrund Logadóttir orkumálastjóri ræðir stöðuna í orkumálum, er nóg til af orku eða of lítið? Greinilegt að fagmenn eru ekki á einu máli um það. Hún fjallar líka um annað málefni sem er sérstaklega forvitnilegt, þ.e. hvernig hægt er að nota kjarnorkugeisla til að hafa uppi á og endurvinna plast úr höfum heimsins. Halla varpar ljósi á þróun tækni af þessum toga sem unnið er að.

Bjartmar Oddur Þeyr Alexandersson blaðamaður á Stundinni verður síðastur, maðurinn sem opnaði almenningi dyrnar að vöruhúsi í Suður-Svíþjóð þar sem inni eru um 1500 tonn af íslensku plasti sem beðið hafa endurvinnslu frá árinu 2016.

Sprengisandur verður í beinni milli tíu og tólf á Bylgjunni, og í mynd á Stöð 2 Vísi hér að neðan.