Einkaaðilar hafa fengið 240 milljónir króna greiddar fyrir hraðprófin

Gunnar Reynir Valþórsson skrifar 7. desember 2021 06:57

Heildarkostnaður Heilsugæslunnar á höfuðborgarsvæðinu vegna allra sýnataka fyrstu tíu mánuði ársins er 460 milljónir króna. Vísir/Vilhelm

Þeir einkaaðilar sem séð hafa um hraðprófin vegna kórónuveirunnar höfðu fram til 1. desember fengið um 240 milljónir greiddar fyrir þjónustuna.

Þetta kemur fram í svari frá Sjúkratryggingum Íslands við fyrirspurn Fréttablaðsins.

Fjallað er um málið í blaðinu í dag og rifjað upp að Svandís Svavarsdóttir, þáverandi heilbrigðisráðherra, hafi í september sett reglugerð um að Sjúkratryggingar greiddu fyrir töku hraðprófa hjá einkaaðilum frá 20. september.

Markmiðið hafi verið að auka aðgengi almennings að hraðprófum.

Milljónirnar 240 sem greiddar hafa verið út nú þegar komu því á tíu vikna tímabili.

Heilsugæsla höfuðborgarsvæðisins annast einnig sýnatökur, meðal annars með hraðprófum og segir Óskar Reykdalsson forstjóri að kostnaður stofnunarinnar í heild, við allar sýnatökur á flugvelli og á Suðurlandsbraut, sé 460 milljónir króna á fyrstu tíu mánuðum ársins.

Faraldur kórónuveiru (COVID-19) Heilsugæsla Heilbrigðismál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.