„Erlendur aðili, sem er í sama geira og EFLA, hefur sýnt áhuga á að fjárfesta í EFLU," sagði Sæmundur en hann kvaðst ekki geta greint nánar frá tilboðinu eða því hver tilboðsgjafinn væri.
Hluthafar EFLU, sem voru 124 í lok síðasta árs og hver með innan við 5 prósenta hlut, hafa nú þegar gefið grænt ljós á að tilboðið verði skoðað nánar.
EFLA varð til í október 2008 við sameiningu fjögurra verkfræðistofa. Síðan þá hefur fyrirtækið tvöfaldast að stærð, bæði hvað varðar fjölda starfsmanna, sem eru í kringum 400 talsins, og umfang rekstrar.
Meginstarfsemin er á Íslandi en auk þess starfrækir EFLA dóttur- og hlutdeildarfélög í Noregi, Svíþjóð, Frakklandi, Þýskalandi, Póllandi, Skotlandi og Tyrklandi.
Tekjur verkfræðistofunnar á síðasta ári námu 6,7 milljörðum króna samanborið við tæplega 7,1 milljarð árið 2019. Hins vegar jókst hagnaður úr 205 milljónum upp í 275 milljónir á milli ára.
Innherji er nýr sjálfstæður áskriftarmiðill innan Vísis sem mun einkum beina kastljósinu að viðskiptalífinu, efnahagsmálum og stjórnmálum. Fyrst um sinn verður efnið endurgjaldslaust og aðgengilegt öllum á Vísi en með tímanum verður einungis hægt að nálgast Innherja gegn greiðslu. Áhersla er lögð á vandaðar fréttir, fréttaskýringar, viðtöl og hlaðvörp auk þess sem Innherja er ætlaður að vera vettvangur skoðanaskipta fólks úr atvinnulífinu og stjórnmálum.
