Orri Páll formaður þingflokks VG

Orri Páll var aðstoðarmaður Guðmundar Inga Guðbrandssonar umhverfisráðherra á síðasta kjörtímabili. Hann var sömuleiðis varaþingmaður flokksins frá árinu 2016.

Orri Páll er búfræðingur frá Landbúnaðarháskólanum á Hvanneyri og með BSc-gráðu í vistfræði og stjórnun náttúrusvæða frá Umhverfis- og lífvísindaháskóla Noregs á Ási.

Þá hefur hann starfað sem landvörður og var meðal annars starfandi þjóðgarðsvörður á vestursvæði Vatnajökulsþjóðgarðs frá janúar 2016 til júní 2017. Þá var hann verkefnisstjóri Skóla á grænni grein (Grænafánaverkefnisins) hjá Landvernd frá 2008 til 2012.