Íslenska liðið hafði þriggja marka forystu eftir fyrri hálfleik, 17-14, og náði mest fimm marka forskoti.

Svissneska liðið snéri þó leiknum sér í hag og vann að lokum eins marks sigur, 28-27, eftir æsispennandi lokamínútur.

Íslenska liðið hefur því tapað báðum leikjum sínum á mótinu, en liðið leikur gegn heimakonum frá Tékklandi í lokaleik sínum á morgun. 

Díana Dögg Magnúsdóttir og Sara Dögg Hjaltadóttir voru atkvæðamestar í sóknarleik íslenska liðsins með fimm mörk hvor. Sara Sif Helgadóttir varði 11 skot í íslenska markinu.