Kvöldfréttir Stöðvar 2

Vésteinn Örn Pétursson skrifar 22. nóvember 2021 18:00

Sindri Sindrason les kvöldfréttir klukkan hálf sjö. Vísir/Vilhelm

Bæjarstjórar Akureyrar og Garðabæjar telja rétt að starfshættir hjóna sem ráku barnaheimili á Hjalteyri á áttunda áratug síðustu aldar verði rannsakaðir. Hjónin ráku dagvistun og leikskóla í Garðabæ í tæp 20 ár. Fyrrverandi félagsmálastjóri Akureyrar segir Barnaverndarráð Íslands ekki hafa tekið sína kvörtun alvarlega.

Fjallað verður nánar um málið í kvöldfréttum Stöðvar 2.

Lengsta hlé á störfum þingsins í þrjá áratugi tekur enda á morgun. Í kvöldfréttum verður rætt við stjórnarandstöðuþingmenn sem óttast afleiðingar svo langs hlés fyrir lýðræðið. Þeir eru þó langt í frá spenntir að takast á við fyrsta verkefni komandi þings - kjörbréfamálið.

Einnig verður rætt við Ragnheiði Ósk Erlendsdóttur, sem hefur staðið vaktina við bólusetningar í Laugardalshöll í dag. Síðdegis var fólki boðið að koma og þiggja um fjögur hundruð bóluefnaskammta sem urðu eftir þegar bólusetningu dagsins var lokið.

Einnig sjáum við sláandi myndefni sem náðist af blóðtöku hjá fylfullum hryssum, heyrum hvernig hugmyndir um takmörkun á aðgengi á klámi leggjast í ungmenni og hittum hund sem ferðast um á rafhlaupahjóli.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.