Mikil rigning fylgdi óveðrinu og á einum degi féll jafn mikið regn og á venjulegum mánuði.epa
Neyðarástandi hefur verið lýst yfir í Bresku-Kólumbíu í Kanada eftir óveðrið mikla sem gekk yfir um síðustu helgi. Vegir eru enn ófærir víða og lestarteinar skemmdir þannig að mikil röskun hefur orðið á samgöngum á svæðinu.
Kanadíski herinn hefur verið kallaður út til aðstoðar en þúsundir komast hvorki lönd né strönd og hafa verið innlyksa á heimilum sínum síðan á sunnudag.
Justin Trudeau forsætisráðherra hefur lofað frekari aðstoð og að ráðist verði fljótt í endurreisn innviða sem löskuðust í veðrinu, sem kallað hefur verið versti stormur á svæðinu í heila öld.
Eitt dauðsfall hefur verið staðfest þar sem kona fórst í aurskriðu en tveggja annarra er saknað hið minnsta. Gríðarlegar rigningar fylgdu óveðrinu og á einum sólarhring var úrkoman eins og í meðal mánuði.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
